నన్ను అడిగితే ........

అనుకున్నంత అయ్యింది

2011-12-29T21:22:00.000+05:30

అనుకున్నంత అయ్యింది ... అదే జరిగింది ..మళ్ళి మళ్ళి అదే జరుగుతుంది ... 40 రోజుల పాటు చేసిన సకల జనుల సమ్మె ఇప్పుడు కరెంట్ చార్జీల రూపం లో మన మెడకు చుట్టుకోబోతుంది .... ఇప్పుడు సదరు "కే.సి.ఆర్", హరీష్ రావ్ , కోదండ రామ్ ఎవ్వరు రారు మీ ఇంట్లో పవర్ బిల్ కట్టడానికి ..ఎందుకు అంటే వాళ్ళకు ఇది వర్తించదు ..వర్తించిన వారిని బాదించదు...

నష్టం ఎవ్వరికి జరగబోతుంది?

సకల జనుల సమ్మెలో కరెంట్ లేక, బస్సులు లేక ఇబ్బంది పడ్డది ఎవ్వరు?

ఇప్పుడు కరెంట్ బిల్ బాదించేది ఎవ్వరిని?

మొన్న ఆర్.టి.సి చార్జీలు పెరిగితే ఇబ్బంది ఎవ్వరికి?

నిత్య అవసర వస్తువులు ధరలు పెరిగితే ఇబ్బంది ఎవ్వరికి?

రాజకీయ నాయకులు అదే చదరంగం లో పావులు ఎవ్వరు?

మనం సాదించింది ఏముంది ? తెలంగాణా వచ్చిందా ? ...

మనం చేసే పనులు మళ్ళి మళ్ళి మనకే ముప్పు తెస్తాయి అని తెలిసి కూడా తప్పు చెయ్యడం కన్నా వేరే ఒక అమాయకత్వం వేరే ఏమి లేదు ....

ఇప్పటికన్నా మేల్కొందాం ......

మీరు ఆలోచిస్తున్నార?

2011-10-14T13:23:00.000+05:30

మీరు ఆలోచిస్తున్నార? మీకు ఆలోచించే శక్తి ఉన్నదా?
మీరు ఏమి చేస్తున్నారో మీకు తెలుసా?

ఇలాంటి ఒక ప్రశ్న మీకు మీరు వేసుకుంటే ఇవ్వాళా ఉన్న ఈ పరిస్తితి లో మార్పు వస్తుంది.

మన జీవితాలను మనమే పణం గ పెడుతున్నాము ... ఇవ్వాల్టి రోజున జరిగే ఈ బందుల వలన ఎంతమంది ఆకలి తీరని రోజులు గడుపుతున్నారో మీకు తెలుసా. ప్రబుత్వం ఇచ్చే 500 /- ఫించన్ తో గడిపే వారికీ ఈ ప్రభుత్వ కార్యాలయాలు పనిచేయక పోవడం వలన అవి చేతికి రాక ఆకలి తో పడుకునే వారికీ మీరు ఏమి సమాధానం చెబుతారు..

తెరవని కాలేజిలో మన విద్యార్ధుల జీవితానికి మనమే తాళం వేస్తున్నాము...

గిన్నిస్ బుక్ లో స్థానం సాదించిన మన "ఆర్ టి సి" ని అప్పుల ఊబి లోకి నేడుతున్నాము ...చివరికి మన సొంత ఉరు వెళ్లటానికి ఒక బస్ లేకుండా చేసుకుంటున్నాము..

నష్టం వస్తుంది అని ..వాళ్ళు రేపు చార్జీలు పెంచితే .... ఇది పక్క రాష్ట్రాల నుండి కొనుక్కివచ్చిన విధ్యుత్ అని మళ్ళి చార్జ్ పెంచితే ... నెల తిరగకుండా లక్ష చేతికి వచ్చే కోదండరామ్ వచ్చి మీ ఇంటి కరెంట్ బిల్ కడతాడ? .. మీరు ప్రయాణం చేసే బస్ టికెట్ కొని పెడతాడ?

ప్రభుత్వ ఉద్యోగులకి ఇప్పుడు జీతం రాకపోయినా తర్వాత కచ్చితం గ ఇస్తారు .. .ఖర్చు పెట్టె ప్రతి రుపాయకి పని చేయిన్చోకోవాలని చూసే ప్రైవేట్ యాజమాన్యాలు ..ఈ బంద్ జరిగిన రోజులకి జీతం ఇవ్వక పొతే ... మీ ఇంటి రేషన్ "కే సి ఆర్" వచ్చి తెచ్చి పెడతాడ? ...

తెలంగాణ వస్తే ఉద్యోగాలు వస్తాయి అంటే ... ప్రతి ఒక్కరికి పిలిచి ఏమైనా ఇస్తార ? .. అప్పుడు కూడా మెరిట్ లోనే సాదించాలి కదా ...? పెట్టుబడులు తగ్గిపోతే ..ఉద్యోగ అవకాశాలు తగ్గిపోతాయి ..అప్పుడు వాళ్ళ పరిస్తితి ఏమిటి?
రాష్ట్రం విడిపోతే నియామకాలలో లబ్యత కూడా తగ్గుతుంది కదా ? ఆ విషయం ఎవరికీ పట్టదా?

౩౦ రోజుల ఈ సమ్మె లో మీరు ఏమి సాదించారు ...? ఎంతమంది జీవితం పై నీళ్ళు చల్లారు ..?

ఆలోచించండి ... మీకు అ భగవంతుడు పొరపాటున ఆలోచించగలిగే శక్తి ని ఇస్తే?

దూకుడు సినిమా రివ్యూ ...........[Dukudu movie Review ]

2011-10-14T12:41:00.000+05:30

చాలా కాలం తర్వాత నేను నా బ్లాగ్ జోలికి వచ్చా .... ఈ మధ్య బొత్తిగా సమయం దొరకట్లేదు .....కానీ నిన్న నేను చూసిన దూకుడు సినిమా గురించి తప్పకుండ చెప్పాలి ...

ఈ మధ్య "ఎ సినిమా చూస్తే ఏముంది గర్వకారణం ... సినిమాల చరిత్ర మొత్తం ..రక్తపాతం .." అన్నట్లు సాగుతున్నాయి .. ఒకడు కత్తి పట్టుకొని 100 మందిని ఒక్కసారి చంపితే ..ఇంకో హీరో "గన్" పట్టుకొని 200 మందిని చంపుతున్నాడు ..

విటన్నిటిని దాటి వచ్చిన సినిమా .. ఈ దూకుడు ............

చాలా బాగుంది ... సినిమా మొత్తం ఒక సన్నటి దారం మీద అల్లిన పూలదండల ..ఒక చిన్న కధని మంచి కామెడి తో చక్కగా అల్లాడు ...

ఈ మద్య కాలం లో వచ్చిన మంచి సినిమా ... మీ ఫ్యామిలి మొత్తం కలిసి కూర్చొని చూడదగిన చిత్రం ..

మహేష్ బాబు మంచి టైమింగ్ ..బ్రహ్మి టాలెంట్ ...m s నారాయణ కామెడి ఈ సినిమాకి పెద్ద హైలెట్..

నా రేటింగ్ .... 4 / 5 ........

ఉపనయనము ..ముందు..ముందుగా ..

2011-05-29T17:37:00.000+05:30

మనందరికి ..చిన్నప్పటి నుండి జరగబోయే దాని గురించి తెలుసుకోవడం చాలా ఇష్టం... నేను కూడ అందరి లాంటి వాడినే.. రాబోయే.. తరగతి పాఠాలు ముందే వేశవి సెలవలలో.. చదవటం ..వాటి గురించి తెలుసుకోవటం ఒక చిన్న కుతుహలం .. ఇలానే అందరికి ఉంటుంది లేండి లేపోతే ..ఈ జ్యోతిష్యాలు .. జాతకలు .ఎక్కడినుండి వస్తాయి ... అస్సలు సంగతి లోకి వస్తే ..మా అమ్మ నాన్న, నాకు ఉపనయం చేస్తామన్నారు..నేను సరే అన్నాను ..

అస్సలు ఉపనయనం అంటే ఏమిటి? ఎందుకు చేస్తారు ? కేవలం జన్మత: బ్రాహ్మణ అయినందుకు ..పెళ్ళికి ముందు జరిగే చిన్న తంతు మాత్రమేనా ? అని చిన్న సందేహం వచ్చి.. అస్సలు ఉపనయనం ఎందుకు? ఎమిటి? ఎలా? అని చిన్న పరిశోధన.. దాని ఫలితం ..ఇదిగో ఇలా .......

మన సనాతన హిందు ధర్మం అనుసరించి ..ప్రతి మనిషి ..పుట్టకు ముందు 3,జన్మించిన తరవాత 12, మరణించిన తర్వాత 1 ..ఇలా మొత్తము 16 ..వీటిని వైదిక సంస్కారాలు అని .. షోడశ సంస్కారాలు ..అంటారు .. వాటి లో ..ఒకటి ఉపనయనం ముఖ్యమైనది..ఈ కాలం లో కేవలం కొన్ని కులాలు మత్రమే ఆచరిస్తున్నాయి .. .

అర్ధం - అంతరార్ధం ..

ఉప+నయనము. అనగా జ్ఞాన నేత్రమును పొందుటకు గురువు వద్దకు తీసుకువెళ్ళుట అని అర్ధము. ప్రతి మనిషి తల్లి గర్భము నుండి పుట్టుట మొదటి జన్మ కాగా, గురువు ద్వారా ఐహికముష్మిక విద్య అభ్యసించి గురుకులమునుండి బయటికి వచ్చుట రెండవ జన్మ అంటారు. దీనినే మనిషికి మూడవ నేత్రము - జ్ఞాన నేత్రమును ప్రసాదించే సంస్కారము అందురు.

ఉపనయన సంస్కార ప్రారంభమున వటువు మూడు సమిధలను తీసుకొని గురువు వద్దకు వెళ్ళును. గువుగారు వాని యొక్క భుజస్కందాల పైఉన్న త్రివిధ ఋణములు తీర్చుకొను విధానమును బోధిస్తూ, తన చేతిలో గల మూడు సమిధలను అగ్ని సాక్షిగా ప్రమాణము చేయిస్తూ యజ్ఞములో ఆ మూడు సమిధలు వేయించును. ఆ మూడు ఋణములు ఏమిటంటే ౧. పితృఋణము ౨. ఋషిరుణము ౩. దేవరుణము. ఈ మూడు ఋణములు తీర్చుకొనుటకై ప్రతిక్షణము గుర్తుచేయుటకు గురువుగారు ఆ వటువుకు మూడు పోగులు గల దీక్షాచిహ్నము - యజ్ఞోపవీతమును వేయుదురు. ఇది జ్ఞాన చిహ్నము .

ఎలా - ఎందుకు ..

అక్షరాభ్యాసం లాంఛనంగా అక్షరాలు దిద్దించడమైతే వాస్తవంగా పిల్లలను విద్యార్జన కోసం గురువు దగ్గరకు పంపే ముందు జరిపే సంస్కారం ఉపనయనం. సాంస్కృతికంగా ఇది అతి ముఖ్యమైన సంస్కారం. అక్షరాభ్యాసంతో ప్రాథమిక విద్య మొదలైతే ఉన్నతవిద్య ఉపనయనంతోనే మొదలవుతుందనుకోవచ్చు. ఉపనయనం జరగడాన్ని సాంస్కృతికంగా, ఆధ్యాత్మికంగా రెండవ పుట్టుకగా భావిస్తారు. భౌతిక జననం రోత కలిగించేది. ఉదాత్తమైనది కాదు. క్రమశిక్షణ, విద్యార్జనల ద్వారా పొందే రెందవజన్మ పవిత్రమైనది, ఉదాత్తమైనది.
ఐతే ఉపనయన ఉద్దేశాలు, అర్థాలు కాలంతోబాతే మారుతూ వచ్చాయి. అథర్వవేదంలో ఉపనయనాన్ని గురువు విద్యార్థి యొక్క బాధ్యతలు తీసుకోవడం అనే అర్థంలో వాడితే తర్వాతికాలంలో గురువు పవిత్ర మంత్రోపదేశం చేయడమే ఉపనయనంగా భావించబడింది. హిందూ మతంలో అతిపవిత్రము, శక్తివంతమైన మంత్రంగా భావించబడే గాయత్రి మంత్రాన్ని ఉపనయనమప్పుడు ఉపదేశిస్తారు. అంతేగాక ఉపనయనం ఉన్నతవిద్యకు ఆరంభంగా గాక మతపరమైన తంతు ద్వారా పొందే రెండవ పుట్టుకగానే గుర్తింపు పొందింది. తగిన వయస్సు:
బ్రాహ్మణుడికి ఎనిమిది సంవత్సరాలు;
గరిష్ఠ వయోపరిమితి:
బ్రాహ్మణుడికి పదహారు సంవత్సరాలు;
కాలం గడిచే కొద్దీ యజ్ఞోపవీతం ధరించడమే ఈ సంస్కారంలో అతిప్రధానభాగంగా మారింది. ఉపనయనం చేయించుకునేవారు సూర్యునివైపు చూస్తూ ఉండగా వారికి దీర్ఘాయుష్షు, పవిత్రత, బలం, తేజస్సు కలగాలని కోరుతూ గురువు ఈ సంస్కారాన్ని నిర్వహిస్తారు. ద్విజులు ఎల్లవేళలా ధరించే యజ్ఞోపవీతం వారికి తమ సామాజిక-ఆధ్యాత్మిక బాధ్యతలను సదా గుర్తుచేస్తూ వారి జీవితం నిరంతరం యజ్ఞజ్వాలలంత పవిత్రంగా సాగడానికి తోడ్పడుతుంది. ఒక యోగి వలె క్రమశిక్షణతో జీవితం గడపడానికి విద్యార్థికి అజినం(జింక చర్మం), దండం కూడా ఉపనయనమప్పుడు ఇస్తారు.

విధి .. విధానం ..

ఉపనయన విధులు బ్రాహ్మణులకు,క్షత్రియులకు మరియు వైశ్యులకు విధులు వేరు వేరుగా ఉంటాయి.
బ్రాహ్మణులకు 8 సంవత్సరాలవయసులో [ అనగా పుట్టిన రొజుకు 7 సంవత్సరాల 3 నెలల లొపు ] క్షత్రియులకు 11 సంవత్సరాల వయసులో,వైశ్యులకు 12 సంవత్సరాల వయలో ఉపనయనము చేయడం ఉచితమని శాస్త్రనిర్ణయం.ఉపనయన సమయంలో బ్రాహ్మణులు నారవస్త్రాన్ని అంగవస్త్రంగా ధరించి జింకతోలును ఉత్తరీయంగా ధరించాలి.అలాగే బ్రాహ్మణుడు ముంజకసవుతో పేనిన మొలత్రాడును ధరించాలి.ముంజ కసవు దొరకనప్పుడు దర్భ గడ్డి నీటితో తడిపి ఒక ముడివేసి ధరించవచ్చు.మొలత్రాడు విధిగా ముప్పేటగా ధరించాలి.నూలుతో కట్టిన తొమ్మిది పోగుల యజ్ఞోపవీతాన్ని ధరించాలి.అలాగే బిల్వము లేక మోదుగ దండాన్ని కేశమువరకు ఉండేలా చేసుకుని ధరించాలి.ఉపవీతుడైన పిమ్మట భవతీ బిక్షాక్షాం దేహిఅని యాచించాలి.గురుకులానికి వెళ్ళిన బ్రాహ్మచారి యాచనతో దొరికిన ఆహారాన్ని గురువుకు సమర్పించి తరవాత గురువు అనుమతితో భుజించాలి.అవశిస్ఠాన్ని పరిశుద్ధుడై తూర్పుముఖంగా కూర్చుని భుజించాలి.భుజించిన పిదప చేతులు శుభ్ర పరచుకుని ఆచమనం చేసి శరీరావయాలను నీటితో శుభ్రపరచుకోవాలి.ఆతరవాత వస్త్రంతో అవయవాలను తుడుచుకోవాలి.ముందుగా తల్లిని కానీ,సోదరిని కానీ తల్లి వైపు సోదరిని కానీ యాచించడం ఉత్తమమం.అవమానించని వారిని యాచించడం ఉత్తమమని అంతరార్ధం.ఈ మాదిరి బ్రహ్మచారి యాచించడం మధూకరం అంటారు.ఇందుకు పేద గొప్పా తారతమ్యం లేదు.అందరూ గురు శుశ్రూషలో సమానమే.ఉపనయనమునకు బ్రాహ్మణులకు చైత్ర వైశాఖ మాసాలు ఉత్తమం

ఉపనయనం అయిన తర్వాత ఆచరించ వలిసిన ధర్మాలు ... విధులు ..

బ్రహ్మచర్యాశ్రమములో బహు ప్రయోజనములు సాధింపవలసియున్నవి.

ద్విజులు వేదమునభ్యసించుట, ఇతరులు పురాణేతిహాసముల పఠించుట.
ఇంద్రియముల నిగ్రహించుట నలవఱచుకొని మనస్సును పరమార్థ జీవితమున కనుకూలముగా చేసికొనుట.
శరీరరము భోగపరము కాకుండ శ్రద్ధ వహించుట.
శారీరక తేజస్సును వృద్ధినొందించుకొనుట.
దీర్ఘాయుష్యమునకు తగినరీతిగా వ్యవహరించుట.
మానవుడు గృహస్ధాశ్రమములో భోగములను తగినరీతిననుభవించుటకును, భోగములకు లోబడి ధర్మమును విస్మరింపకుండుటకు, వివేకియై లౌకిక, వైదిక ధర్మములను నిర్వర్తించుటకును బ్రహ్మచర్యాశ్రమము యొక్క శిక్షణ సహకరించును. బ్రహ్మచర్యాశ్రమములో ఉపర్యుక్తమైన శారీరక మానసిక సాధన కంగములుగ నియమములనేకములు గలవు.
బ్రహ్మచారి వాక్ నియమము గల్గియుండవలెను.
బ్రహ్మచారి చేష్టానియయము గల్గియుండవలెను.
బ్రహ్మచారి ఉదర నియమము గల్గియుండవలెను.
బ్రహ్మచారి మితభాషియై సత్యవాక్యమునే పల్కవలెను.
బ్రహ్మచారి తనకర్తవ్యమునకు మించిన యేపనిలోను జోక్యము కల్గించుకొనరాదు.
బ్రహ్మచారి సత్వగుణ వర్థకమగు నాహారమునే మితముగ తినవలయును.
బ్రహ్మచారి భిక్షచేసి యాహారము తెచ్చుకొని దానిని గురువునకు చూపి యాతని అనుమతిగైకొని భుజింపవలయును.
ఉప్పు, కారము, మాంసము, మధువు మున్నగు రజోగుణ ప్రకోపకములైన పదార్ధములను తినరాదు.
బ్రహ్మచారి ఆచరించవలసిన ఇతర ధర్మములు: గంధేత్యాది సుగంధ వస్తువులను ధరింపరాదు. పగలు నిద్రపోరాదు. కాటుక పెట్టుకొనుట మొదలగు శృంగార విషయములను వీడవలయును. తైలాభ్యంగనము చేయరాదు. విలాసార్థమై బండి మొదలగు వాహనముల ఎక్కరాదు. చెప్పులను తొడగరాదు. కామమును దరిచేరనీయరాదు. క్రోధము పనికిరాదు. దేనియందును లోభము తగదు. వివేకమును వీడరాదు. వదరుబోతుగా నుండరాదు. వీణా వాదనాదుల యందనురక్తుడు కారాదు. వేడినీటి స్నావము చేయరాదు. సుంగంధాదులచే విలాసముగా దంతధావనాదులు చేయరాదు. దేనిని చూచినను సంతోషముతో పొంగిపోరాదు. నృత్యగానములందు ఆసక్తుడు కారాదు. పరుల దోషములనెంచరాదు. ప్రమాదముల చెంతకుపోరాదు. బ్రహ్మచారి యిట్టి నియమములు గలవాడై, భిక్షచే జీవించుచుసాయం ప్రాతఃకాలములందగ్ని కార్యము చేసికొనుచుండవలయును. సూ||బహిః సంధ్యత్వంచ|- సంధ్యా వందనమును గ్రామముయొక్క బయటకుపోయి చేసికొనవలయును.

బ్రహ్మచారి ప్రధానముగ చేయవలసిన ధర్మము రేతస్సంరక్షణము. ఆ ధర్మముచెడినచో బ్రహ్మచర్య వ్రతము చెడినట్లే. అట్లు బ్రహ్మచర్యము పోగొట్టుకొన్నవారికి అవకీర్ణియని పేరు. అవకీర్ణికి ఘోరములైన ప్రాయశ్చిత్తములు విధింపబడినవి. కాబట్టి బ్రహ్మచర్యమునకు భంగము కల్గించు ప్రసక్తులన్నియు బ్రహ్మచారికి నిషేధింపబడినవి. శృంగార విషయమునకు సంబంధించినవన్నియు విడిచి విడిచి పెట్టవలసినదే.

ఇతర నియమములు: చివరకు వటువు అద్దములో తన ముఖమును చూచుకొనుట కూడ నిషిద్ధమైయున్నది.

బ్రహ్మచారి స్త్రీలముఖమును చూడరాదు; వారితో సంభాషింపరాదు.
బ్రహ్మచారి అధ్యయనము చేయునపుడు గురుదక్షిణనేమియు నీయనక్కరలేదు.

నా ఈ సేకరణ ..లో సహకరించిన ..వికిపిడియ..మరియు ఇతర బ్లాగరులకు ..నా హృదయ పూర్వక ..ధన్యవాదాలు ..

100% లవ్ - ఇది నా మొదటి రివ్యు [100% love movie review]

2011-05-08T15:06:00.001+05:30

వేయి అడుగుల ప్రయాణం అయిన మొదటి అడుగు తో మొదలు పెడతాము.. నేను కూడ నా బ్లాగ్ లో మొదటి సినిమా రివ్యు ఈ సినిమా తో మొదలు పెడుతున్నా.. ఇది 100% నా స్వంత రివ్యు ..ఈ రివ్యు మా అమ్మ దీవెనలతో ..

నా రేటింగ్ : 3 / 5 ( జస్ట్ ఫర్ టైం పాస్ )

Casting : నాగచైతన్య , తమన్నా మరియు ఇతరులు

డైరెక్టర్ : సుకుమార్

కథ - కథనం : అనగా అనగా ..ఎప్పుడు 1st ర్యాంక్ వచ్చే బాలు ( నాగచైతన్య ) మిగతావాళ్ళని చిన్నచూపు చూస్తూఉంటాడు.. అలాంటి సమయం లో మహాలక్ష్మి (మన బాలు కి మరదలు ) ఊరి నుండి వస్తుంది.

మొదటి పార్ట్ ( ) ఆంద్యంతం ..మిక్కి మౌస్ గొడవలా ..సాగిపోతుంది .. కామెడి చాల బాగుంది .. కాని సెకండ్ హాఫ్ చాల అయోమయం గా ఉంది .. డైర్ క్టర్ అయోమయం ..మనమీద రుద్దెసాడు ..ప్రేమ గొప్పదా .కాదా? .అహం ని నిజంగా జయిస్తుందా ..అన్నది సినిమాలో అసలు పాయింట్..అది చెప్పటానికి మద్యలో షారుఖ్ ..కాజోల్ అంటు ..ఇంకో అయోమయం..

హీరో, హీరోయిన్ మద్య కెమిస్ట్రి చాల బాగుంది..

చిన్న పిల్లల కామెడి ..ఫస్ట్ హాఫ్ లో ..అందరి చేత విజిల్స్ వేయించింది ... కాని నెనే గ్రేట్ అని అనిపించుకోవటానికి ..హీరో చేసే పనులు ..మన స్వార్ధం కోసం ఏమి చేసిన తప్పులేదు అని తప్పుదోవ పట్టించేలా ఉన్నాయి ..

ఫస్ట్ హాఫ్ అంత కామెడి గా ..సెకండ్ హాఫ్ అంత బోరింగ్ బోరింగ్ ..గా సాగింది ..

ఈ సినిమా యుత్ ని , కాలేజ్ స్టుడెంట్స్ ని టార్గెట్ చేసి తీశారు అని స్పష్టం గా అర్ధం అవుతుంది ..ఇది వాళ్ళకే ఎక్కుతుంది ..మిగతవాళ్ళకి ఎక్కటం కొంచెం కష్టం ..

ఫైనల్ (బాటం లైన్): ఇంట్లో బొర్ కొడితే ..చెయడానికి ఏ పనిలేక పొతే ..ఒక సారి చూడొచ్చు ...

నేను ..నా ఉంగరం ... స్రవంతి ...

2011-04-22T21:51:00.000+05:30

ప్రతి ఒక్కరు జీవితం లో ..వారు అందుకున్న బహుమానలకి ఒకటి రెండు పేజిలు కేటయిస్తారు .. నేను కూడ అంతే ..

చాల మందికి ...బహుమానాలు ..వాళ్ళు ఎవైన సాదించనిప్పుడు ..వస్తాయి .. అప్పుడు అందరు వాళ్ళని మెచ్చుకుంటారు ..కాని నా జీవితం లో ఉంగరం నా చేతికి వచ్చిన తీరే వేరు ..వచ్చిన తర్వాత నేను అందుకున్న మెచ్చుకోలు వేరు ...

అస్సలు ..సంగతి కి వస్తే 2004 నేను ఇంజినీరింగ్ మూడో సంవత్సరం చదువుతున్న రోజుల్లో ... 3/1 లో "పీ.పీ.ఎల్" అనే సబ్జెక్ట్ లో ..మనం జీవితం లో మొట్టమొదటి సారిగ ...ఉత్తీర్ణత సాదించలేకపోయ ... అప్పుడు మా అమ్మ,నాన్న నన్ను తిడతారు అని భయం భయంగా ఇంటికి వెళ్ళిన నాకు ..మొదటి షాక్ మ నాన్న ఇచ్చారు ...మా నాన్న గారు ఏమి అనలేదు ..మా అమ్మగారెమో నువ్వు తప్పడం ఎమిటి రా అన్నారు ... నేను టైం బగలేదు అన్న ..అంతే ..

మర్రోజు నేను కాలేజ్ నుండి రాగానే..నేను అమ్మ,నాన్న గుడి కి వెళ్ళాం ..అప్పుడు మా నాన్న ..ఒక కొత్త ఉంగరం ..పూజారికి ఇచ్చి నా పేరు మీద పూజ చేయించి ... నీ చేతికి ముత్యం ఉంటే కలిసి వస్తుంది అట రా అని నాకు బహుమతి ఇచ్చారు ..

అలా మనకి బహుమతి చేతికి వచ్చింది ...మర్రోజు మా మేడం క్లాస్ లో లేపి సబ్జెక్ట్ పోయింది కదమ్మ ..మీ పేరెంట్స్ ఏమి అన్నారు అని అడిగి షాకిచ్చారు .. నేను ఉరుకుంటాన రింగ్ కొనిపెట్టారు అని చెప్పా .. ఇంతలో స్రవంతి ..నాకు మంచి ఫ్రెండ్ లెండి .. "ఒక సబ్జెక్ట్ పొతేనే రింగ్ ఇచ్చారు ..మొత్తం పొతే చైన్ కొనిచ్చే వాళ్ళు ..ఎమో ? అన్నది " అంతే మా క్లాస్ మొత్తం ఒక్కటే నవ్వులు ...

అది నేను అందుకున్న బహుమతి ..దానితో పాటు నేను అందుకున్న మెచ్చుకోలు..

నా చేతి రింగ్ చుసినప్పుడల్ల ..నాకు ఈ సరద సన్నివేశం ..గుర్తొస్తు ఉంటుంది..

మానవుడా ... మాధవుడా ...

2011-04-22T20:27:00.000+05:30

రాముడు, కృష్ణుడు ..ఏసు, షిర్డి సాయి .. ఇలా మనం నిత్యం కొలిచే ప్రతి దేవుడు ..మానవ జన్మ నెత్తి..అందునున్న కష్ట సుఖాలు అనుభవించి ..తరువాతి తరలా వారు, ఈ మానవాళి మొత్తం ఇహ లోకం నుండి ..పరలోకం వరకు ..రక్షింపబడానికి ఎన్నో రకాల సూచనలు ..మార్గలని ఉపదేసించారు ....

ఎవరు ఏమి చెప్పిన ..ఏ మార్గం ఉపదేశించిన ... అందులోని అంతరార్ధం ఒక్కటే .."సర్వేజనో సుఖినో భవంతు" మనుషులు అంత ఒక్కటే ..అందరికి ప్రేమను పంచడం .. ఎదుటివారిని సేవించడం .. వారికి చేతనైనంత సహాయం చేయడం ...వారికి సరియైన మార్గం సూచించగలగటం ..

ఈ పనులు చేసిన వాళ్ళు మానవులుగా జన్మించిన ..జన్మత: మానవులైన ..మాధవులుగా వెలుగొందుతారు ..పూజింపబడతారు ..

ప్రపంచం మొత్తం లో ఎంతమంది చే పూజింపపడతారో ..అంతమంది విమర్శకుల విమర్శలు అందుకున్న ఆద్యాత్మిక గురువు "శ్రీ సత్య సాయి బాబ" మానవ జన్మనెత్తిన ..ఆ మాధువుడి లా మనవాళి కి ఎంతో సేవ చేశారు..

చైన లో ఒక సామెత ప్రకారం .." చేపని పట్టి ఇస్తే అది ఒక రోజు ఆహరం ..అదే పట్టడం నేర్పిస్తే అది జీవితానికి సరిపడ ఉపకారం"

అది విద్యాధానం కి ఉన్న గొప్పతనం...శ్రీ సత్యసాయిబాబ అందుకనే ..ఎంతోమందికి తను స్థాపించిన విద్యాలయలతో విద్యను ఉపదేసించి వారిని ఉత్తమ పౌరులుగా తీర్చిదిద్దుతున్నారు ...

అనంతపురం చుట్టుపక్కల వూళ్ళ జనాలు రోజు మంచినీరు తాగుతున్నారు అంటే అది శ్రీ సాయి వల్లనే .. ఎంతోమంది నిరుపేదలు ..ఎన్నో భయంకరమైన రోగాలకి ఉచితం గానే చికిత్సపొందుతున్నారు అంటే అది శ్రీ భగవాన్ సత్యసాయి సేవనిరతి వల్లనే ...ప్రపంచం నలుమూలల 178 దేశాలలో ప్రజలు ఆయన ప్రవచనాలు విని ఆద్యత్మిక ప్రబోదనలు అందుకుంటున్నారు ..

శ్రీ భగవాన్ సత్యసాయి మానవళికోసం ఇవి చేసారు కాబట్టి ఆయన మాధవుడే ప్రతి ఒక్కరిచే పూజలు అందుకోగల దేవుడే ..

ఆయన మానవుడు ...ఆయన మానవరూపం లో ఉన్న మాధవుడు ... ఆయన భౌతికంగ మన మద్య ఉన్న లేకున్న ..ఆయన ఎప్పుడు పూజింపగలిగిన వ్యక్తే ..

వచ్చారుట ....ముంచారుట .....

2011-02-11T22:57:00.001+05:30

ఎప్పుడో "వచ్చారుట ..వెళ్లారట ..." అని ఒక నొక వ్యాఖ్యము చదివినట్టు గుర్తు .... నేను ఈ మాట ఎందుకు గుర్తు చేసుకున్నానో మీ అందరికి అర్ధం అయి ఉంటుంది..
అప్పుడెప్పుడో అమితాభ్ నటించిన షోలే సినిమా 550 రోజులు ఆడింది ... ఇప్పుడు చిరు జీవించిన ప్రజారాజ్యం సినిమా దాదాపు 1000 రోజులు నడిచింది .. "ప్రేమే లక్ష్యం .. సేవే మార్గం " అని చెప్పుకొని మొదలుపెట్టిన ఈ ప్రయాణం చివరికి "అధికారమే లక్ష్యం ..విలీనం ఒక మార్గం" అని కాంగి లో కలిసిపోయారు .. మంచి నీళ్ళు కలిసిన ఉప్పుగా మారిపోయే సముద్రం లాంటి కాంగి లోకి ఈ చిరంజీవి లాంటి ..బురద నీళ్ళు కలిస్తే మంచిగ మారతాయి అని ఎవ్వరు అనుకోరు ...

మనం ఎంతపెట్టాము ..ఎంత వచ్చింది అని చూసుకునే బిజినెస్ నుండి వచ్చిన ఈ నేత (మన తలరాత ఈ యన కూడా నేత అవ్వడం ) తన పేరు ..పలుకుబడి పెట్టుబడి గ పెట్టి కోట్లకు కోట్లు దండు కొని ఇప్పుడు అధికారమే పరమావధి గా ఈ అవినీతి కాంగి లోకి కలిపారు ..

ప్రజలకి ఏమైతే కల్లబొల్లి మాటలు చెప్పారో అవి అన్ని నోట్ల కోసం అధికారం కోసం నీటి మిద రాతలు గ మార్చారు ..అది ప్రజారాజ్యం కాదు మోసాల రాజ్యం ...

చిన్నపుడు 6 తరగతి లో తెలుగు పాఠం చదువుకున్న .. "కొత్త గ వచ్చిన వారిని నమ్మరాదు "..
నిజం గ అ కధ ఇప్పుడు నిజం అయ్యింది ...

ఈయన వచ్చారు ..మనల్ని నమ్మించారు .. వంచిచారు ... మోసగించారు ...

C for Chiranjeevi .. C for Cheating ..............

I hate .. Chiranjeevi ......... I have Congress .. I hate Indian Politicians ....

ఇది ......చాలా కొత్తది ...సరికొత్తది ...

2011-02-03T23:29:00.000+05:30

ఇది నేను రాయబోయే టపాకు ప్రకటన అన్నమాట .. అంటే సినిమా విడుదల అయ్యే ముందు trailers విడుదల చేస్తారే అలా అన్నమాట ...

మీరు చూస్తూనే ఉండండి .. నా ఈ బ్లాగ్ లో ఎవ్వరు ఉహించని విధముగా .. అద్భుతమైన కధ ..అమోఘమైన కధనం ...

ఎవ్వరు ఉహించనంత కొత్తగా ..ఎవ్వరు నమ్మలేనంత వింతగా ఉండబోతుంది ....

మీరు wait చేస్తూ ఉండండి ........

మీ
నలుగురి లో నాలుగోవాడు ...

నేను ..ట్యూషన్ .. కిట్టిగాడు ..

2011-01-03T23:20:00.000+05:30

అది 1990 సంవత్సరం ...

తేది... తెలియదు ..గుర్తులేదు .. మరిచిపోయా...

సమయం 6 కి 7 కి మధ్యలో అవుతుంది అనుకుంటా..

నాకు ఏమో వయస్సు.. 6 నిండి ..7 వచ్చాయి ..

దూరదర్శన్ ఛానల్ లో కిట్టిగాడు ..సీరియల్ ..సీరియస్ గా అందరిని అంటే 6 ఏళ్ళా వాళ్ళ నుండి 60 ఏళ్ళ వరకు ఆకట్టుకొంటు నడుస్తుంది ...

మా రెండో అన్న .. 7 చదువుతున్నాడు ట్యూషన్ లో ఉన్నాడు ...

మా నాన్న గారు ..నేను .అలా ..అలా బయటకి వెళ్ళి ..దారిలో ఉన్న వాళ్ళ ట్యూషన్ కి వెళ్ళాము ..

అక్కడ అందరు చదువుకుంటున్నారు.. మా నాన్న గారు కూడ టీచర్ కావడం తో ట్యూషన్ మాష్టారు ..మా నాన్న గారు ..ఎదో మాట్లాడు కుంటున్నారు..

ఇంత లో మా నాన్న గారు నన్ను ..నాన్న (నన్ను అంతే పిలుస్తారు) నువ్వు, అన్నయ్య కలిసి రండి అని చెప్పి తను వెళ్ళారు ..

అప్పుడు మొదలు అయ్యింది అస్సలు నా టెన్షన్ .. కిట్టిగాడా ? అన్నయ్య వాళ్ళ ట్యూషన్ మాష్టారా ? ...ఎటు తెల్చుకోలేక ..కొంచెం సేపు ఆలోచించాను ....

5 ని"లు .. 10 ని"లు ...

నేను లేచాను ..సార్ టైం ఎంత అయ్యింది .. అని ఆడిగాను .. పాపం ఆయన ఎందుకు అని అడిగారు ..?
వెంటనే 7 అయితే కిట్టిగాడు సీరియల్ వస్తుంది అని చెప్పా ..

పాపం ఆయన షాక్ ..... ఆ తర్వాత మేము ఆ వూళ్ళో 6 సంవత్సరంలు ఉన్నాము ..

ఈ సంఘటన జరిగినప్పటి నుండి నన్ను .. కిట్టిగాడు ..అనే పిలిచేవారు ...

అది నేను .. ట్యూషన్ మాష్టార్ .. కిట్టిగాడు .... సంగతులు ....

నాన్నగారు అన్నారు .....

2011-01-03T22:33:00.000+05:30

నాన్నగారు అన్నారు ... ఏమి రా బాబు మీ స్నేహితులు అందరికి నూతన సంవత్సర శుభాకాంక్షలు తెలిపావా అని?

నేను అన్నాను , నా కావల్సిన వారి అందరికి ఫొన్ చేసి చెప్పాను అని. అప్పుడు నాన్నగారు అన్నారు .... శభాష్ రా బాబు, మరి నీ బ్లాగ్ మిత్రులు కి తెలిపావా అని ...

నాన్న గారు అన్నారు .. నువ్వు రాసే రాతలు అన్ని పాపం చదివి తరించే వారందరిని దేవుడు చల్లగా చూడాలని ఇంకా వారికి ఈ సంవత్సరం అంత వారు కోరుకున్నట్లు గా అందరికి మంచి జరగాలని దేవుడికి ప్రార్దించు అని ...

దానికి నేను అన్నాను ..తప్పకుండ నాన్న ..కాని ఆ ప్రార్ధన మన స్టాండర్ద్ కి తగినట్లు ఉండాలి అని ..

అప్పుడు నాన్న గారితో పాటు అమ్మ గారు కూడ అన్నారు ...

శతమానం భవతి! .. శతాయుత్పురుష:

శతెంద్రియ ఆయుష్

యెవెంద్రియే ప్రతితిష్థతి

ఆయుష్మాన్ చిరంజీవ శుఖిభవ శుఖిభవ .. ధన కనక వస్తు వాహన ప్రాప్తిరస్తు ..
అబీష్ట కార్య సిద్దిరస్తు ..

ఈ దీవెనలు నీకు, మీ బ్లాగ్ మిత్రులు అందరికి ... ఈ సంవత్సరం అంత మంచి గా జరగాలి అని ......................

Wish you a Happy New Year 2011

నవ్వండి .. నవ్వించండి ..... { సర్వే జనో నవ్వో భవతు: }

2010-12-31T00:13:00.000+05:30

నవ్వటం ఒక యోగం .. నవ్వించడం ఒక భోగం .. నవ్వలేక పోవడం ఒక రోగం ... అని స్వర్గీయ జంధ్యాల గారు చెప్పినట్లు .. నిజం గా నవ్వటం అనేది దేవుడు మనిషి కి మాత్రమే ఇచ్చిన ఒక వరం ...దానిని సద్వినియోగం చేసు కోవాల్సిన అవసరం మనకు ఎంతైన ఉంది ....

నిత్యం మనకు ఉన్న పని వత్తిడో .... ఇంకా మరి ఏ ఇతర కారణాల వలన మనం నవ్వటం అనే ఒక మంచి .. వ్యాయామాన్ని మరుస్తున్నాము..

మీ ఇంట్లో చిన్న చిన్న పిల్లలు ఉన్నార? లేక మీ పక్కింట్లోనో ..ఎదురింట్లొనో ఖచ్చితంగా ఉండే ఉంటారు లేండి ..వారిని ఒక సారి పరిశీలించండి ..వాళ్ళు ఎప్పుడు ..ఉల్లాసం గా ఉత్సాహం గా ఉండటానికి కారణం ..వారికి ఏ వత్తిడి లేక పోవడం కాదు .. వారిలో హాస్య చతురుత .. తొందరగ స్పందిచే గుణం ... అది మనం అందరం వారి నుండి నేర్చుకోవలిసిన సద్గుణం ...

ప్రతి రోజు అందరి కంటే ఎక్కువ గా నవ్వగలిగిన వాళ్ళు ..నవ్వెవాళ్ళు .. ఎక్కువ కాలం యవ్వనం గా ఉండి ..అందరి కంటే ఎక్కువ సంవత్సరాలు జీవిస్టారు అని చాల సర్వేలు తేల్చి చెబుతున్నాయి ...కాబట్టి ఈ కొత్త సంవత్స్రం అయిన మీరు మరింతగ నవ్వి మీ ఆరోగ్యాన్ని కాపాడు కుంటారు అని కోరుకుంటున్నాను ....
మీ కు తెలిసిన హాస్య సంధర్బాలు మన బ్లాగ్ మిత్రులతో పంచుకొని మీరు నలుగురిని నవ్వించండి ...ఆ నలుగురిని తలా నలుగిరిని నవ్వించమని కోరండి .. ఇలా చేస్తే రెండు మూడు రోజుల లో మన అందరికి నాలుగు , ఐదు సంవత్సరాల ఆయుష్షు పెరుగుతుంది ...

సర్వే జనో నవ్వో భవతు:

శ్రీ కృష్ణ గోవిందా ! .. హరే మురారి ....

2010-12-30T14:25:00.000+05:30

శ్రీ కృష్ణ గోవిందా ! .. హరే మురారి .... జై వాసు దేవా ...

అని కృష్ణాష్టమి రోజు ఎంతమంది ..భజన చేసారో తెలియదు ..కాని .మన రాష్ట్రం లో గత ఒక సంవత్సరం గా ప్రతి రోజు శ్రీ కృష్ణ నామ జపమే ... గడువు దగ్గర పడుతున్న కొద్ది ఒక్కటే ఉత్కంఠ ...ఎన్నికలు ముందు చివరి రోజు ప్రచారం కోసం నాయకులు లో ఎంత ఉత్కంఠ ఉంట్టుందో ఇప్పుడు కూడ అంతకన్న ఎక్కువే ఉంది...

ఇన్నాళ్ళు "జస్టీస్ శ్రీ కృష్ణ" కమిటి నీవేదిక అంటు వేచి చూసే ధోరణి అవలంభించిన కాంగ్రేస్ , తెలుగుదేశం పార్టీలు తమ వ్యూహాలని ఎలా మార్చుకుంటాయో చూసే సమయం ఆసన్నమైనది ..

సమైక్య ఆంధ్ర కే కట్టుబడి ఉన్నాము అని చెప్పుకునే ప్రజాధరణ లేని ప్రజారాజ్యం పార్టి, చిన్న రాష్ట్రల తోనే అభివృద్ధి సాధ్యం అని చెప్పే 1 + 1 భారతీయ జనత పార్టి .. తెలంగాణ తన జీవిత ధ్యేయం అని చెప్పి చెప్పి విధ్యార్ధుల జీవాతాల తో చెలగాటం ఆడే "తె రా సా" తమ రాజకీయ లబ్ధి కోసం విధ్యార్ధులని రెచ్చగొట్టీ వారిని హింసాత్మక ధోరణి వైపు నెట్టే పొలిటికల్ "జే.యే.సి" లు ఇప్పుడు ఎలా ప్రతిస్పందిస్తాయో కదా! ...

ఈ సమయం చాల చిత్రమైనది .. మరియు ఎంతో కీలకమైనది ... ప్రతి ఒక్క రాజకీయ పార్టి తన భవిషత్తు కోసం వేల విధ్యార్దుల ఆవేశాన్ని వారి ఆయుధము గ మార్చుకోవడానికి గుంట నక్కల్లా ఎదురు చూస్తున్నాయి ..

ఇదే అదునుగా మన రాష్ట్రం లో విచ్చిన్నకర పరిస్తితులు సృష్టించడానికి ఎంతో మంది తీవ్ర వాదులు ఎదురు చూస్తున్నారు ...
సందట్లొ సడేమియా ..తమ "టి.ఆర్.పి" రేట్లు పెంచుకోవడానికి ఏ విలువ లేకుండ ఎటువంటి వార్తలును అయిన ప్రసారం చేసి ప్రజల భావోద్వేగాలని రెచ్చగొట్టే వార్త ప్రసరాలు ఇప్పుడు కాచుకొని కుర్చున్నాయి ..

సరిగ్గ ఇదే సమయం మన లోని విజ్ఞత, మన చదువు మనకు నేర్పిన సంస్కారం ..ప్రదర్సించడానికి .. ఒక నాణానికి బొమ్మ, బొరుసు ఉన్నట్లే ఇప్పుడు వచ్చే నివేదిక కూడ ఎదో ఒక వైపు మొగ్గుతుంది.. ఈ నివేదిక అందరి ని ఒప్పించ లేక పోయిన ..మన సంసంస్కారం, సమ్యమనం తో ఎదుటి వారిని నొప్పించ కుండ జాగ్రత్త పడాల్సిన అవసరం ఎంతైన మన మీద ఉంది ...

వారి స్వార్ధం కోసం మిమ్మల్ని బలి పెట్టే రాజకీయ నాయుకులు ఒక పక్క, మీరు సంతోషం గా ఉండటానికి తమ రెక్కలు ముక్కలు చేసుకొని వారి ఆసలు అన్నీ మీ మీదనే ఉంచుకునే మీ తల్లి తండ్రులు మరో పక్క ఉన్న ఈ సమయం లో సరియైన నిర్ణయం తీసుకోవాలి ..

హే కృష్ణా! .. సంకట స్తితి లో ఉన్నప్పుడు అర్జునికి గీతోపదేశం చేసి అర్జునిడిని ఏ విధము గా అయిటే కార్యోర్ముకుడివి చేసినా వో .. అదే విధముగా ఇప్పుడు ఈ భరతమాత బిడ్డల్ని .. సరి యైన దారి లో ..నడుపు తండ్రి

మా ఇంటి "ఇంగ్లీష్" చిలక ...

2010-12-23T22:58:00.000+05:30

"సుహృద్" మా పెద్ద అన్నయ్య .పెద్దబ్బాయి..వయసు 5 సంవత్సరాలు ..చదువుతున్నది 1 ఇంగ్లీష్ మీడియం ..వాడే మా ఇంటి "ఇంగ్లీష్" చిలక ...

ఒకటి(1) ఇంగ్లీష్ మీడియం .... అని నొక్కి చెబుతున్నా ..ఎందుకు అంటే వాడే మా ఇంట్లో ..మొదటగా ఒకటో తరగతి ఇంగ్లిష్ మీడియం లో చదువుతున్నది ...

అస్సలు మాటర్ లోకి వస్తే .. చిన్న పిల్లలు మాట్లాడుతుంటేనే ..చిలక పలుకుల్లా ముద్దొస్తు ఉంటాయి ...

ఇంక అందులో ఇంగ్లిష్ పలుకుతుంటే .. వినాలే కాని ..ఆ ఆనందం వర్ణనాతీతం..

నేను ఇంటికి వెళ్ళినప్పుడల్ల ...మా అన్నయ్య , వదిన , నేను , మా అమ్మ నాన్న ..అందరం చిన్న ఇంగ్లీష్ లో ఇడుచుకో .. ఇంకోటి ఇడుచుకో ..అంటు మా వాడిని ఉత్శాహపరుస్తాము ...

మేము ఇచ్చే ప్రోత్సాహం ..వాడి ఉత్సాహం ..వల్ల ఇంగ్లిష్ వాడి నోట్లో నుండి ....అలా అలా ముత్యాలు లా జారి పొతాయి ..

మా ఇంటి ఇంగ్లీష్ చిలక పలికిన కొన్ని పలుకులు ...

What Father's brother ...? How are you fine ?

అంటే ఎమిటి బాబాయి ....బాగున్నావా ? అని ...

What grand mother ? Tell to Grand son ..?

అంటే ఎమిటి బామ్మ ..నాకు చెప్పు... అని

What Father's brother ..? What computer ..?

అంటే ఏమిటి బాబాయి ..కంప్యుటర్ లో ఏమి చెస్తున్నావు అని ...

అప్పుడే మా ఇంటికి పోస్ట్ మ్యాన్ వచ్చాడు ..

అప్పుడు మా వాడు ...

What Letter man ? who letter ?

అన్నాడు ..

అంటే పోస్ట్ మ్యాన్ ..ఎందుకు వచ్చాడు లెటర్ ఎవరికి వచ్చింది అని...

అంతకు ముందు రెండు రోజుల ముందు ..మా వదిన.. వాడికి లంచ్ బాక్స్ ఇద్దామని వెళ్ళారు అట ..అదే సమయం లో వాళ్ళ ప్రధాన ఉపాధ్యాయుడు కనిపించి ..

Hi Suhrudh, How are you ? అని అడిగారు అట ..

వెంటనే మా Hero .. My name is T Venkata Suhrudh Sandilya

అని తడుము కోకుండ చెప్పేశాడు అట...

ఇది చెప్పటం ..మా ఇంట్లో నవ్వటం ...

ఈ షో మా ఇంట్లో .. దాదువు 1 గంట నడిచింది ... ఈ గంట లో వాడికి ..వాళ్ళ బామ్మ, తాతయ్య, న్నాన్న, ఇంక ఈ పిచ్చి బాబాయి ... ఎన్ని ముద్దులు పెట్టామో గుర్తే లేదు ...

ఒక అర్ధ గంట తర్వాత గుర్తు వచ్చింది .. నేను ఇంజినీరింగ్ 2 వ సంవత్సరం లో మొదటి సారి ఇంగ్లీష్ స్పీచ్ ఇచ్చిన తర్వత మా ఇంగ్లీష్ మాష్టార్ నన్ను హత్తుకొని ...

.
I never laugh this much these days.. అన్నారు .. ఆ సమయం లో అర్ధం కాలేదు కాని ... ఈ సంఘటన జరిగినప్పుడు అర్ధం అయ్యింది.. ఎందుకు అంతలా ఫీల్ అయ్యారో ..

మా నాన్న గారు ఎప్పుడు చెబుతు ఉంటారు ..నీకు నేర్చుకునే ధైర్యం ఉండాలి కాని ..ప్రతి ఒక్కరి దగ్గర ఎదో ఒకటి నేర్చుకోవచ్చు అని ....

ఆ మాట నిజం ...

నాకు "సీతఫలపు పండు" ని ... custard apple అంటారు అని ..
ఉయ్యాల ఊపడాన్ని .... waving అంటారు అని నాకు మా ఇంగ్లీష్ చిలకనే నేర్పాడు ...

మళ్ళి రేపు మా ఊరు వెళ్తున్న ....ఈ సారి మరిన్ని పలుకులు మోసుకువస్తా ...

ఫిజిక్స్ సారు, నేను, గాడిద ..

2010-12-23T21:14:00.000+05:30

నాకు తెలిసి ప్రపంచం లో అతి ఎక్కువ మెమొరి ఉన్న ఇంటర్నల్ హార్డ్ డిస్క్ ..మన మెదడే అనుకుంట....

ఈ ఉపోద్ఘాతం ..ఎందుకు అనుకుంటున్నారా ...?

నాకు ఇవ్వాళ కార్యాలయానికి వెళ్ళే దారి లో ..ఒక గాడిద కనిపించింది...

అందులో వింత ఏముంది ..కదా ?

నాకు 2000 సంవత్సరం నుండి గాడిద ..కనిపిస్తే ..ఫిజిక్స్ సార్ గుర్తొస్తారు ...

మాములుగ అయితే అందరి దౄష్టి లో ఫిజిక్స్ కి ..గాడిద లకి ఏమి సంబందం ఉండదు ..

కాని ఆ రోజు జరిగిన సంఘటన ..నన్ను జీవితం లో గాడిద ని ..ఫిజిక్స్ సార్ ని మరిచి పోకుండ చేసింది ...

~~~~ ం ం ం ం ~~~~ కంగారు పడకండి .. మీమ్మల్ని నాతో మా కాలేజి కి తీసుకు వెళ్తున్న అన్నమాట ~~~

ఆ రోజు ..అర్ధం కాని ఫిజిక్స్ క్లాస్ లో ..ఏ ముక్క చెవికి ఎక్కదు అని తెలిసిన ..తదేకంగా బోర్డ్ వైపే చూస్తున్న ...
అప్పుడు మా ఫిజిక్స్ సార్ [.. ఆయన కూడ నా లానే "బి.జె.పి" అనుకుండి .. "బి.జె.పి" అంటే అదేదో జాతియ పార్టి కాదు .. "భూమికి జానెడు పొడుగు" ]

లేపి బాబు IS PUSHING EASIER OR PULLING?  అని అడిగారు .. మనమా అస్సలే గవర్నమెంట్ వారి సర్కారు స్కూల్ ..అందు లోను ... కొత్త పాలెం నుండి కొత్త గా ఎర్ర బస్ దిగా .. అస్సలే ఏ ముక్క రాని ఇంగ్లిష్ మీడియం .. అందు లో అర్ధం కాని ఫిజిక్స్ ...

sun / son   లా ఒకే లా ఉన్నాయి .. రెండు ( pushing and pulling) మొదటి సారి వింటున్న ..ఏమి చెప్పా లో తెలియదు ... "తెలియదు సార్" అని కూడ ఇంగ్లీష్ లోనే చెప్పాలి అందుకే బెల్లం కొట్టే రాయి లా .. అలా నిలబడ్డా ...

అప్పుడా ఆయన నన్ను "గాడిద ..అది కూడా తెలియద" అని తిట్టారు..

వెంటనే ఆయనే ఒక్క నిమిషం ఆలోచించి చెప్పటం మరిచి పోయ గాడిద లు నా కల లోకి వచ్చి ..రోజు సార్ మరి వాడి తో పోలుస్తున్నారు ఎమిటి సార్ ..మా పరువేం గాను అని బాధ పడుతున్నాయి .. అని అన్నారు ...

ఆ మాటలకి క్లాస్ మొత్తం విపరీతం గ నవ్వుతుండగానే .... నా చూపు అలవాతు అలవాటు లో పొరపాటు లా జ్యోతి వైపు చూశ .. జ్యోతి విపరీతంగా నవ్వుతుంది  ..ఎలా అంటే చిన్న పిల్లలు సర్కస్ లో భఫూన్ ని చూసి నవ్వుతారే అలా అన్న మాట .. అదేదొ సామెత [ " మొగుడు కొట్టినందుకు కాదు ఆడపడుచు నవ్వింది అని బాధ అంట" ] అన్నట్లు గా నాలో "జల్" తుఫాన్ నా తేనే కళ్ళ దగ్గర తీరం దాటింది ...

వెంటనే మా సార్ .. ఒరెయి మరి ఇలా ప్రతి దానికి ఫీల్ అయితే "టీచర్" అవి అవుతావు అన్నారు ..

అది అన్నమాట "గాడిద".. "నేను" .. "మా ఫిజిక్స్ సార్ ..."

పదేళ్ళు అయిన ..నాకు గాడిద ని చూడ గానే అదే గుర్తు వచ్చింది .. ఎంత గొప్ప మెమరి నాది ...

కొసమెరుపు ... ఆయనని మేము ఇప్పుడు ముఖ్య ప్రశ్నలు చెప్పండి సార్ అన్నా ..నే చెపితే రావు .. జరగదు అనే వారు ..ఆయన అన్నట్లు గానే నేను టీచర్ ని కాలేదు .. అప్పడ్నించి "తిట్లు" అలవాటు అయిపోయి ..దున్న పోతు మీద వాన పడ్డట్లు ..ఫీల్ అవ్వటం మానేసాను ...

PUSH / PULL అని బోర్డ్ ని చూసిన కూడ నాకు ఇదే సీన్ గుర్తొస్తుంది ....

గూగుల్ ..ఓ మంచి గూగుల్ ..నువ్వు నాకు నచ్చావు ..

2010-12-22T22:08:00.000+05:30

గూగుల్

గూగుల్ .. ఓ మంచి గూగుల్ ..

ఉత్తరాలు రాసుకొవడానికి .. జిమేల్ ఇచ్చావు ....
మన ఉత్తరాలు వేరే వాళ్ళు చదవకుండ పాస్ వర్డ్ ఇచ్చావు ..
స్నేహితులు తో మాట్లడటానికి జీటాక్ ఇచ్చావు..
నన్ను ప్రపంచానికి చూపించుకోవడానికి పికాస ఇచ్చావు ..
ఏ ప్రదేశం ఎక్కడ ఉందో చెప్పడనికి గూగుల్ మ్యాప్స్ ఇచ్చావు..
నేను కూడ రాయగలను అని చెప్పడనికి బ్లాగ్స్ ఇచ్చావు ..
మరిచిపోయిన స్నేహితుల్ని కలవడానికి ఆర్కుట్ ఇచ్చావు ...
ఎప్పుడు ఏ అవసరం వచ్చిన వెతుక్కొడానికి సెర్చ్ ఇచ్చావు ..
ఎర్రర్ నేను పోస్ట్ చేస్తే .. సొల్యుషన్ నువ్వు ఇచ్చావు ...
పైస ఖర్చు లేకుండ సినిమాలు చూసేలా చేసావు ...
ఇవి అన్ని నన్ను రూపాయి కూడ అడగకుండా ఉచితంగా ఇచ్చావు ...

ఇలానే

ఏ తొకలు పెట్టకుండ వెబ్సైట్ ఇస్తావు అని ...
తప్పిపోయిన నా మొబైల్ కనిపెట్టాడనికి ..ఎదో ఒక దారి చూపిస్తావని..
కోరుకుంటున్నాను ..

చేస్తావు ..నువ్వు తప్పకుండ చేస్తావు ఎందుకంటే నువ్వు గూగుల్ వి ..మంచి గూగుల్ వి...

కొత్తగా.... సరికొత్తగా .. కొత్త సంవత్సరం

2010-12-22T21:11:00.000+05:30

కొత్తగా.... సరికొత్తగా .. కొత్త సంవత్సరం .. ఏమి చెయ్యాలి ... ఎలా మొదలు పెట్టాలి.
కొత్త సంవత్సరం .. పాత సంవత్సరం లా పాత లా ( రొటీన్) ఉండకూడదు .. కొత్తగా కొత్త పనులు మొదలు పెట్టాలి.

ఇవి రాబోయే సంవత్సరం లో నేను కొత్తగ మొదలు పెడదాము అనుకునే ....సంకల్పాలు ..

1) మా అమ్మ, నాన్న చిన్నప్పటి నుండి చెవి లో ఇల్లు కట్టుకొని మరి చెప్పే మాట .. పొద్దున్నే లేవాలి....

ఇప్పటి దాక ..పొద్దున అంటే వేకువ జామున 8:30, 9:00 అనుకునే నేను ... వచ్చే సంవత్సరం నుండి పొద్దున్నే అంటే 7:30 అని మెదటి బిల్లు గా ఏకగ్రీవ తీర్మానం చేయడమైనది అని చెప్పుటకు సంతసించడమైనది..

2)
అరే ఒకసారి అద్దం లో చూసుకో.. బద్దకం ఎక్కువై .. రోజు రోజు కి.. కొబ్బరి బోండం లా తయారు అవుతున్నావు .. అని మా హితులు ..సన్నిహితులు ..కోరడం తో .. అందులోను ఇలా అయితే పిల్ల ని ఎవ్వరు ఇవ్వరు అని పలురకాలు గా భయాందొళనలకు గురిచేయడం వలన

వచ్చే సంవత్సరం నుండి .. క్రమం తప్పకుండ "జిమ్మ్ కి" వెళ్ళడం లేద అందుబాటు లో ఉన్న టీటీ ..వాలీబాల్ వంటి ఆటలు ఆడి అయిన సరే శరీర సౌష్టవం కాపాడుకుంటాను అని మీ అందరి ముందు వాగ్దనం చెస్తున్న..

3) అరే నువ్వు ఏ పెళ్ళాం కాకి, పిల్లలు కాకులు లేని ఏకాకివి ..నీ ఖర్చులు చూస్తే ..
హైదరబాద్ లో ఒక మంచి ఏరియా లో ఒక చిన్న కుటుంబం చింతలు లేకుండ ఒక నెలంత జీవించడం తేలిక అని మళ్ళి నా హితులు సన్ని హితులు కోరడం ....

మీ ముద్దుల కొడుకు దుబారాలు ఎక్కువ అయ్యాయి అని ..వార్తలు "టీవి9" వాళ్ళు లేకుండనే ఇంట్లో ప్రాదేశిక వార్తలు గా ప్రసారం అవ్వడం వల్లన ..

ఇలా అయితే నీ .. "ఏ టి యం" కార్డు తీసుకొని పాకెట్ మని లాంటి పాత స్కీములు కొత్తగా మొదలు పెడతాము అని అధిష్టానం నుండి హెచ్చరికలు రావడం తో ...

వచ్చే సంవత్సరం నుండి ప్రతి పైస ఖర్చు పెట్టెముందు .. ఎందుకు ..? అవసరమా? అని రెండు ప్రశ్నలు సంధించుకొని వాటికి సరియైన సమాధానం వచ్చిన పిమ్మట మాత్రమే ఖర్చు చెయ్యాలని ..కొత్త నిభందన ఎర్పాటు చేయడమైనది .. అని విన్నవించుకుంటున్నాను

చివరగా

అధిష్టానం దగ్గర బుద్దిమంతుడు అని పేరు తెచ్చుకున్న నేను ..ఇప్పటి వరకు గడిచిన 26 సంవత్సరములు లాగానే ..ఈ వచ్చే సంవత్సరం కూడ ..ధూమపానం ..మధ్యపానం .. ఇంకా ..ఎమైన మంచి అలావాటులు కి దురంగా ఉండి .. అధిష్టానం నమ్మకాన్ని .. వమ్ము కానియకూడదు అని ప్రతిఞ్ చేయుచున్నాను...

పైన పెర్కొనబడిన నా సంకల్పలు ..కేవలం నా స్వార్జితం అని ఎవరి నుండి తస్కరించనవి కావు అని ... ఒకవేళ ఇవే సంకల్పాలు మీరు చేసిఉంటే దానికి నేను .. నా బ్లాగ్ ఎవిధముగా బాద్యుడిని కాను అని .... ఒకవేళ నా సంకల్పాలు మీకు నచ్చి మీరు కూడ పాటించిన .. నాకు ఏమి రొక్కం .. ఏ రుపం లో కూడ కట్టవలిసిన అవసరం లేదు ...అని విన్నవించుకుంటున్నాను

ఇట్లు

నూతన సంవత్సర శుభాకాంక్షల తో

మీ

నలుగురి లో నాలుగో వాడు. ..

2010 = 2 + 0 +1 +0 = 3

2010-12-14T23:02:00.000+05:30

హలో ..బాగున్నారా.? బాగలేకపోయిన నేను చేసేది ఏమి లేదు లేండి. బట్ (కాని) మీరు అందరు ( నాతో కలిపి) బాగుండాలి అని కోరుకుంటున్ననూలేండి.....
తర్వాత.. దేని తర్వాత అనా మీ ఉద్దేశ్యం? అదేనండి ఇందాక కుశల ప్రశ్నల తర్వాత అసలు పాయింటు కొద్దము పాయింటు కొద్దాము. . 2010 = 2 + 0 +1 + 0 = 3. అవును మూడు, త్రీ, తీన్ , మూరు, బాష ఏదైన "మూడు" నా లక్కి నంబర్. కాబట్టి మీకు ముచ్చటగ ఈ సంవత్సరం నా అనుభవాలలో మూడు మీతో పంచుకుందాము అనుకుంటున్నాను.

1. క్రొత్త బంగారు లోకం

Zensar Technologies Pune.

సంవత్సరం మొదటి రోజు ఎలా జరిగితే సంవత్సరం అంత అలా జరుగుతుంది అని నమ్మే వాళ్ళ లో నేను ఒకడిని. 2010 జనవరి 1న మా అన్న ని చూద్దాము అని ఎందుకు "పూణే" వచ్చానో తెలియదు కాని అనుకోకుండా, అస్సలు ఊహించని విదముగా నేను ఇక్కడే జాబ్ జాయిన్ అయ్యా. ఆ దేవుడి దయ వల్ల "క్రొత్త బంగారు లోకం" లోకి అడుగుపెట్టా!. మంచి కంపెని ..మంచి మనుషులు .. మంచి విలువ గల క్లైంటు.. అంతా ఆల్ హ్యపీస్ ......

2. జీవితమే ఒక రైలు ప్రయాణం

"జీవితమే ఒక రైలు ప్రయాణం" అని ఆ కవి ఏ టైం లో .. ఎవరిని ఉద్దేస్యించి చెప్పారో కాని .. నా ఈ సంవత్సరం .. సగం రైలు లోనే గడిచింది...మళ్ళి మొదటికి వస్తే .. జనవరి 1 న ఏమని ముంబయి (వేగముగ) వెళ్ళు రైలు ఎక్కానో ..ఈ సంవత్సరం అంత ఆ రైలు ఎక్కుతు ..దిగుతు ..అదే పని ప్రతి వారాంతం.. ఈ సంవత్సరం నేను చేసిన ప్రయాణం ఇంతవరకు ఎప్పుడు చేయలేదు.

3. పెళ్ళి ... పెళ్ళి ... పెళ్ళి ...

ఏమిటి .. పెళ్ళి .. పెళ్ళి .. పెళ్ళి అని మూడు సార్లు రాశాను అనా ? చెప్పాకదా నా లక్కి నంబర్ 3 అని. ఇంతకి ఈ సంవత్సరానికి .. ఈ 3 పెళ్ళిళ్ళ లకి బంధం ఏమిటా అనా? .. ఈ సంవత్స్రం ముచ్చటగ మా మూడో ( 3 ) అన్న పెళ్ళి .. తర్వతా మా స్నేహితుడి పెళ్ళి .. తర్వాత మా కజిన్ పెళ్ళి ..ఇలా ఇప్పటికి మూడింటికి హాజర్ అయ్యా. ఇది ఈ సంవత్సరం పెళ్ళి గోల ...

హమ్మయ్య ఇది అండి ఈ ఏటీ మేటి అనుభావాలు .. మీరు కూడ ..ఈ ఏటి మేటి అనుభవాలు పంచుకుంటారు కదూ..

కల్తి కాంగ్రేశ్

2010-11-20T21:27:00.000+05:30

అనగా అనగ భారత దేశాన్ని సత్య హరిచంద్రుడు అనే రాజు పరిపలించాడు. అతను అబద్దం ఆడకూడదు అని పత్నిని కూడ అమ్మటానికి తయారు అయ్యాడు. అలానే శిబి చక్రవర్తి అనే అతను ఒక పావురం కాపాడటానికి తన వంటి లోని కొంత భాగం కోసి ఇచ్చాడు. వీరి లానే అక్బర్, వీర శివాజి ఇలా ఎంతో మంది మన దేశాన్ని పాలించారు. రాముడు పాలించిన తీరు ఇప్పటికి రామరాజ్యం అని వేయినోళ్ళా కొనియాడ పడుతుంది. అలాంటి మన దేశానికి బ్రిటిష్ పీడ వదిలిన తర్వాత కాంగ్రేశ్ అధికారం లోకి వచ్చింది. ప్రజల కోసం ప్రజల చేత ఎన్నుకోబడిన ప్రభుత్వమే ప్రజస్వామ్యాం అని నమ్మిన రోజులు అప్పట్లొ ఉండేవి.

ఒక చిన్న రైలు ప్రమాదానికి నైతిక భాద్యత వహించి మంత్రి పదవికి రాజినామ చెసిన చరిత్ర గల నాయకులు ఉన్నారు. దేశం కోసం ఉన్న ఆస్థి ని అంత రాసిచ్చిన వారు ఉన్నారు. 5,10 సంవత్సరాలు మంత్రి పదవి చేసి సొంత ఇల్లు కూడ లేని ఉన్నారు.

మరి ఇప్పుడు అంత కల్తి అయినట్లే .. కాంగ్రేశ్ కూడ పూర్తిగ కల్తి అయిపొయింది. ఎంత ల అంటే దేశం మొత్తం గర్వం గా చెప్పుకొవల్సిన కామన్ వెల్త్ ... ఇప్పుడు 2ఘ్ స్పెక్ట్రం లు కాంగ్రేశ్ ను పూర్తిగ కల్తి గ మార్చివేసాయి ఎక్కడ చూసిన అవినీతి .. ప్రతి చోట అవినీతి .............. చ నాకు కూడ రాయటానికి సిగ్గు గ ఉంది .

ఇందిరమ్మ టపా

2010-11-20T00:31:00.000+05:30

అదిమేటి టపాల్లో ఇందిరమ్మ టపాలు కూడ ఉంటాయ అని మీకు అనుమానం రావచ్చు కాదు రావాలి. అసలు విషయం ఎమిటంటే ఎప్పటి లానే కడుపు నిండా తిని పడుకున్నాన అప్పుడు రోశయ్య గారు కలలోకి వచ్చాడు(రు) బాబు ఒక సారి నన్ను చూచి నువ్వు మా ఇందిరమ్మ పేరు మీద ఒక టప రాయి అన్నారు. నేను వెంటనే, చూడండి రోశయ్య గారు మీరు పొరపాటో , గ్రహపాటో ముఖ్యమంత్రి అయ్యారు కాబట్టి మీరు నన్ను అడగటం న్యాయమే నేను కాదు అనను కాని నేను పుట్టక ముందు చనిపోయిన ఆమే గురించి ఎందుకు రాయాలి అని అన్నాన అలా కాదు నాయన ఇంక పేరు(ల) వేలు పెట్టని ప్రదేశం ఎమైన ఉంది అంటే అది తెలుగు బ్లాగే కావున మీరు తప్పకుండ ఇందిరమ్మనో , రాజీవ్ టపానో రాయల్సిందే అని కాళ్ళ వేళ్ళా పడ్డారు .

అయ్యా రోశయ్య గారు, అన్నిటికి ఇందిరమ్మ, రాజీవ్ పెర్లు పెట్టే మీరు మీ కార్యలయం కి మాత్రం కేవలం "గాంధి భవన్" అని పెట్టడం ఎమీ బాగుంది అని నేను అడుగుతున్నాను. చూడు బాబు మాది "గాంధి"ల పార్టి ఎప్పుడు ఏ గాంధి ఉంటారో తెలియదు కాబట్టీ( మొదట్లొ ఇందిరా గాంధి , తర్వాత రాజీవ్ గాంధి, ఇప్పుడు సోనియ గాంధి , తర్వాత రాహుల్ గాంధి, ఆ తర్వాత ఎదొ ఒక X గాంధి ..) సొ గాంధి భవన్ అయిపొయింది.

అది సరేండి తెలుగు లలిత కళాతోరణం కి రాజివ్ కి ఎమి సంబంధం, మెదక్ కి ఇందిరమ్మ కి ఎమిటి రిలేషన్? చూడు బాబు నువ్వు నీకు పుట్టకు ముందు ఇందిరమ్మ ఇక్కడ పోటి చేసి గెలిచారు, ఓహొ! గెలిచి ఏమి చేసారు? గెలిస్తే ఎం చేస్తారు ఓడి పొతె అన్న ఎదొ ఒక పని మీద ధర్నాలు, రాస్థా రొకొలు చేస్థారు గాని. నీ దగ్గర వంద కోట్లు ఉంటే చెప్పు మీ తాత గరి పేరు తో రామ క్రిష్ణ మెమోరియల్ సచివాలయం అని పేరు మారుద్దాము.

అలా వచ్చార! అయ్యో నేను మరిచి పోయ రెపొద్దున్నె రాజివ్ గాంది ఆంధ్ర అనో, ఇందిరా ప్రదేశనో మన రాష్త్రం పేరు మార్చడానికి ఒక అప్లికేషన్ పెట్టి వస్థా. బాబు చివరగ ఒక మాట హుస్సేన్ సాగర్ ఖాలి గానే ఉంది కదా అని దూకేవ్ ? చావవ్ కద లెని పోని రోగాల్ వస్తాయి.

ఇక మరి నేను ఉంట ! ..

నాటకాలకి పెరుగుతున్న ఆదరణ ..

2010-02-04T21:57:00.000+05:30

నాటకాలకి నిజంగా ఆదరణ పెరుగుతుందా ? అవుననే అంటున్నారు ఖమ్మం వాసులు. జనవరి 30 నుండి ఖమ్మం లో మొదటి సారిగా జరుగుతున్న నంది నాటకోత్సవాలు చూడటానికి జనం తండోప తండాలు గా వస్తున్నారు అట,ఉదయం నుండి మొదలయ్యే ఈ నాటకల్ని జనం విరగపడి చూస్తున్నారు.అందున పద్య నాటకానికి ఎక్కువ ఆదరణ లభించటం నిజం గా హర్షణియం. ఉత్తమము గా అనిపిస్తే అది మాస్ హీరో సినిమానే కాదు నాటకమైన వన్స్ మోర్ అనాల్సిందే.

ఇంత ఆదరణ చూసి ఎంతో కష్టపడి నంది నాటకోత్సవాలని హైదరబాద్ నుండి ఖమ్మం బస్ ఎక్కించిన కలెక్టర్ ఉషారాణి ఉబ్బి తబ్బిబ్బు అవుతున్నారు. ఇక నాటకాలకి కూడ మంచి రోజులు వస్తున్నాయి. పైన ఫోటో లో బుదవారం ప్రదర్శించిన పద్య నాటకం లో ఒక దృశ్యం.

చంద్రుడికి ఒక నూలుపోగు లాగ నాటక రంగానికి కృషి చేస్తున్న వారందరికి న అభినందనలు. పైన పెర్కొనబడిన నాటకం లో నటించి దర్శకత్వం వహించిన మా పెదనాన్న (తాటికొండాల నరసింహరావు ) గారికి ప్రత్యేక అభినందనలు .

చంపేశారు .....

2010-02-02T22:06:00.000+05:30

చంపేశారు వైష్ణవిని.....నిజంగా చంపేశారు ...కాని ఎవరు .? అందరు అనుకున్నట్లుగా ఆస్తి కోసం అయిన వాళ్ళే చంపారా ..? కాని వాళ్ళు మాత్రమే కాదు ..నా ఉద్దేశ్యం లో వాళ్ళు ఎంత కిరాతకులో మీడియా కూడ ..
ఈ మీడియా వాళ్ళా అత్యుత్సాహం వల్ల వాళ్ళు అసలుకే మోసం వస్తుంది అనుకొని చంపారు ఇంత హడావుడి చేయకపోతే ఫలితం వేరేల ఉండేది. ముంబాయి దాడులు జరిగినప్పుడు కూడ ఇలాంటి అనవసర ఉత్సాహం చూపి వాళ్ళాకి దారి చుపారు. ఇలాంటి వార్తలు ప్రజల మద్యలోకి తీసుకువెళ్ళటానికి ఒక పద్దతి పాడు లేకుండ పొయింది. మొన్ననే సుప్రీం మీడియా మీద ఆంక్షలు ఎన్ని పెట్టిన కుక్క తోక వంకర అన్నట్లు వీళ్ళు మారలేదు.

Just For Fun ........Don't take Personally

2010-01-31T23:24:00.000+05:30

గుర్తొచ్చింది ........

2010-01-25T21:51:00.000+05:30

నేను ఇవ్వాళ ఆఫీస్ నుండి రాగానే మా వదిన రేపు మీకు "సెలవేనా" అని అడగగానే నాకు గుర్తొచ్చింది. రేపు జనవరి 26 కదా.. సెలవే మరి .. సెలవు కాబట్టే గుర్తు ఉంది.. ఇప్పుడు నాకు గుర్తొచ్చింది..వెంటనే నేను అర్జంట్ గా రేపు పొద్దున్నే లేచి నాకు దేశభక్తి ఉంది అని నిరుపించుకోవాలి.. అంటే ఎం చేయాలి చెప్మా? ఆ గుర్తొచ్చింది.. ఎర్రకోట మీద భారి భద్రతల మద్య ..మనం జెండ మనం ఎగరవేయాటానికి ఎన్ని కష్టాలు రా అనుకుంటూ ... పాపం "చటోపాద్యయా" 100 సంవత్సరాల క్రితం రాసిన వందే మాతర గీతానికి వచ్చిన కష్టాలు తలుచుకుంటు..ఆ పాట కూడ విని కొంచెం దేశభక్తి నాకు ఉంది అని ఫీల్ అయిపొయ్ సెలవు కదా పేపర్ తెచ్చుకుందాం అని బయటకి బయలు దేరి ..దారి లో రేపు మాత్రమే కనపడే మన జెండా ఒకటి లేదా రెండో కొని ఒకటి మన జేబు కి పెట్టూకొని ఇంకొకటి మన వాళ్ళకి ఎవరి కి అయిన ఇచ్చి హమ్మయ్య వాళ్ళ లో కూడ దేశభక్తి పెంచాం అనుకొని.. ఏ "ఖడ్ఘం" మో , మేజర్ చంద్రకాంత్ సినెమా నో చూసేసి హమ్మయ్య మనకు చాలా దేశభక్తి ఉందిరా అని నాలో నేనే పొంగిపోయి .. ఇంకా నేను ఇండియన్ గా పుట్టినందుకు గర్వపడుతున్నాను అని వచ్చే 2,3 "ఫార్వార్డ్" మెయిల్స్ నా లిస్ట్ లో ఉన్న స్నేహితులకి పంపి ..వారి లో కూడ దేశభక్తి పెంపొందించాము అని సంబరపడి .... రేపు మాత్రమే గుర్తుకు వచ్చే మన రియల్ హీరోస్ అదేనండి మన ఆర్మి పీపుల్ కి సలాం చేసి ....హమ్మయ్య నాకు చాలా దెశభక్తి ఉంది రా అని నాకు నేనే ఒక సర్టిఫికేట్ జారి చేసుకొని .. మళ్ళి ఎళ్ళుండి రాగానే .... మళ్ళి దేశాన్ని గురించి దేశభక్తి గురించి మరిచిపోయి 7 నెలల తర్వాత వచ్చే సెలవు రోజు అదేనండి ఆగష్ట్ 15 రోజు వచ్చేదాక మాములే... రేపు జరగపోయేది ఇలా కళ్ళకు కట్టినట్లు చెపుతున్నావిమిటి అని ఆశ్చర్య పోతున్నారా ? ప్రతి సంవత్సరం నేను, నా లాంటి వాళ్ళు చాలా మంది ఇదేగ చేసేది.

ఇదేమి న్యాయం ............

2010-01-25T15:51:00.000+05:30

నేను నిన్న ఆదివారం కావడం తో ..సినిమా కి వెళ్ళి చాలా రోజులు అయ్యింది అని ..మా అన్న,వదిన లతో కలిసి "అదుర్స్" అనే సినిమాకి వెళ్ళాను. సినిమా మొదలయిన 5,10 ని"లు నుండి నా మనసు లో ఒకటే ఆలొచన... ఒకటే బాధ. సినిమా మొత్తం నా వాళ్ళ గురించి,మా వేషధారణ గురించి అవహేళన చేస్తున్నారు అని ఒకటే బాధ. "నాకు తెలిసి ఒకరిని చూసి మనం నవ్వుతున్నాము అంటే వారిని మనం అవహేళన,హేళన చేస్తున్నాము అనే". ప్రతి సన్నివేశం లోను మా నుండి వెకిలి నవ్వులు పుట్టిచ్చడనికి ప్రయత్నించారు అనే బాధ.

అప్పుడెప్పుడో "కంత్రి" సినిమా రిలీజ్ అయిన కొత్తలో అనుకుంట .. కేవలం ఒకే ఒక సన్నివేశం లో అది కూడ అంబేద్కర్ విగ్రహం చూపించారు అని అవి కేవలం దళిత వాడల్లోనే ఉంటాయి అని ..వారికి వారే ఊహించుకొని శ్రీ మందా కృష్ణ మాదిగ (..పేరు పూర్తిగ పైకి చదవకండి .. కేసు వేసి బొక్కలో తోస్తారు) గారు నాన గొడవ చేసి డైరెక్టర్ చేత సారి చెప్పించి ఆ సదరు సన్నివేశం తీసివెసే దాక మీడియా తో కలిసి బీబత్సం సృష్టించారు.

ఏమి ఇదేమి న్యాయం? సినిమా మొత్తం మా గురించి ఇలా మాట్లాడతారు ..ఇలా చేస్తారు .. అలా ఉంటారు అని వెకిలి చేష్టలు చేయిస్తే ఎవరు మాట్లడరే ..? ఎందుకు అంటే వారు 22% ఉన్నారు ఓట్లు రాలవు అనా ..మేము అయితే కేవలం 4% ఉన్నారు వెస్తే ఎంత వేయకపోతే ఎంత అనా? అయిన కథా రచయతలకి మమ్మల్ని కించపరచకుండ సినిమా కథలు రాయటం రాదా? కామెడి అంటే ఇలా ఒక సామజిక వర్గం వారిని కించపరచడమేనా? ఇది ప్రతి ఒక్కరు సిగ్గు పడాల్సిన విషయం. సెన్సార్ బోర్డ్ వాళ్ళు ఏమి చేస్తున్నారు ఇలా ఒక సామాజిక వర్గానికి చెంది న వారిని ఇలా అవహేళన చేయటం తగునా ..? ఇదేమి న్యాయం భగవంతుడా ?

సార్ 5 నిమిషాలు.. ప్లీజ్ సార్ 5 ని"లు ..... ఆలొచించండి.

2010-01-21T12:21:00.000+05:30

ఆచార్యా కోదండరాం గారు, ప్లీజ్ 5 నిమిషాలు ఆలోచించండి. మీరు ఇలా శ్రీకాంత్ కోసం ఒక సారి, వేణు గోపాల్ కోసం ఒకసారి బంద్ చేసుకుంటు పోతే .. విద్యార్దుల కి తప్పుడు సమాచారం పంపినట్లు అవుతుంది. ఇలా చేస్తే నిజం గా ప్రభుత్వాన్ని ఇరుకునపెట్టి "తెలంగాణ" సాదించ వచ్చు అని అపోహ కలిగించిన వాళ్ళు అవుతారు. శ్రీ గౌరవనీయులైన " కె సి ర్" గారు ఇలా చేద్దమనే 3 పర్యాయాలు రాజినామ సమర్పించి చివరికి చావు తప్పి కన్ను లొట్టపోయినట్లు గా ఎదో గెలిచాం అంటే గెలిచాము అని అనిపించుకున్నారు. ఎందుకు ఇలా జరిగింది అని ఒక్క 5 నిమిషాలు ఆలొచిస్తే మీకే అవగతం అవుతుంది. ఆయన మొదటి సారి రాజినామా సమర్పించినప్పుడు ప్రజలు బ్రహ్మరథం పట్టారు ఇది ఎదో బాగుంది అని 2 వ సారి , 3 వ సారి కూడ అలానే చేస్తే చివరకు ఇంకోలా జరిగింది. రాజినామ చేయటం వల్ల జరిగే నష్టం ప్రభుత్వానికి ఎంత వుందో ప్రజలకి పరోక్షము గా అలానే ఉంది అనే విషయం ఆలస్యము గా అయిన వాళ్ళాకి తెలిసింది. ఇప్పుడు ఈ విషయం అంతే, ఇలా మీరు బంద్ అని పిలుపునిస్తే ప్రభుత్వానికి ఎంత నష్టమో ప్రజలకి ( ముఖ్యము గా విద్యార్డులకి) అంతకన్నా ఎక్కువ నష్టం. వారి పరీక్షలు వాయిద వేయించి ఎదో సాదించాం అని మీరు అనుకుంటే దాని వల్ల వాళ్ళా విలువైన జీవితం ఇబ్బంది పాలు అవుతుంది,ఒక సారి జైల్ కి వెలితే తర్వాత వారు ఇక ప్రపంచం లో ఎక్కడా ఏ ఉద్యోగం, కనీసం చదవటానికి కూడా అనుమతి దొరకదు. ఈ విషయము ఈ క్షనికావేశంలో తెలియకపోయిన, తెలిసిన నాడు మీకు విశ్వ విద్యాలయ విద్యార్దులు కాదు కదా కనీసం "అ ఆ" లు దిద్దే వాళ్ళు కూడా మద్దతివ్వరు అప్పుడు మీకు తెలంగాణా లో ఈ 2 సీట్లు కూడా రావు.

కావున ఆచార్య కోదండరాం గారు విద్యార్దుల జీవితాలతో ఆడకండి.వాళ్ళు రెండు వైపుల పదునున్న కత్తుల లాంటి వారు వారితో జాగ్రత్తగా మసలటం మీకు ..తెలంగాణ ఉద్యమానికి ఎంతో మంచిది.

మీరు ఆచార్యులు అయిఉండి ఏంతో ఉన్నత వ్యక్తిత్వం కిలిగిఉన్న మీకు నేను చెప్పేవాడిని ఏ మాత్రం కాదు. కాబట్టి సార్, ఆచార్యా ! 5 నిమిషాలు .. కేవలం 5 నిమిషాలు ఆలొచించండి.

Foot Prints

2010-01-18T17:05:00.000+05:30

Many people will walk in and out of your life, but only true friends will leave footprints in your heart.-- "Eleanor Roosevelt "

                  ఆ రోజు జూన్ 29 2009,కొత్త కంపెని లో నేను జాయిన్ అయిన రోజు. నాతో పాటు నవీన్,మోహన్ ఇంకా తుషార్,సొనం వీళ్ళు కూడ అదే రోజు జాయిన్ అయ్యారు. మేము అందరం ఒకే రోజు జాయిన్ అవ్వటం వల్ల రెండు,మూడు రోజులలోనే చాలా దగ్గర అయ్యాం. ముఖ్యం గా నేను,నవీన్ అయితే చిన్నప్పటి నుండి ఫ్రెండ్స్ లా ఎప్పుడూ కలిసి ఉండే వాళ్ళం. కలిసి తినే వాళ్ళం,ఆడే వాళ్ళం ఆఫిస్ లో ఉన్నంత సేపు అతుక్కొని ఉండే వాళ్ళం. జాయిన్ అయిన 15 రోజులకి మా ఇద్దరిని ఒకే ప్రాజెక్ట్ లో వేసారు. ఇక మేము పరస్పరం పని లో కూడ ఎంతో సహాయకరం గా ఉండే వాళ్ళం.నా కన్న తనకి బేసికల్ గా కొంచెం కాదులెండి, బాగానే నాలెడ్జ్ ఎక్కువగా ఉండటం వల్ల నేను నా ప్రతిపని ఆఫిస్ ది అయిన సొంత పని అయిన తనని సలహా ఆడిగి చెసేవాడిని. తను కూడ ఏమి చేసిన నాకు చెప్పి చేసే వాడు కుదరకు పోతే చేసిన తరవాత చెప్పేవాడు.అన్ని విషయాలలో నాకు వెన్నుదన్ను గ ఉండే వాడు.

                  ఆ రోజు డిసెంబర్ 17 2009, తనకి "యు స్ ఎ " హెచ్1బి వీసా ఉండటం తో మా కంపెని కి రిసైన్ చేసాడు. ఇక అప్పటి నుండి నాకు ఈ కంపెని లో ఉండాలి అనిపించలేదు నేను గట్టిగ ట్రై చేశా నాకు వేరే కంపెని లో మంచి ఆఫర్ వచ్చింది. ఆ రోజు 12 జనవరి 2010 నేను రిసైన్ చేసా.

ఈ రోజు జనవరి 18 2010 తనకి మా కంపెని లో లాస్ట్ వర్కింగ్ డే. మళ్ళి తనకి నేను కనపడతానో లేదో కనపడిన ఇప్పటి లా కలిసి పని చేస్తామో లేదో తెలియదు కాని తను నాతో గడిపిన ఈ 7 నెలల స్నేహాన్ని నేను ఎప్పటికి మరువను.

అందుకే Many people will walk in and out of your life, but only true friends will leave footprints in your heart.

చెప్పటం మరిచా నేను,నవీన్ కొన్ని గంటల వ్యవది లో జన్మించాం. తను 20 ఫిబ్రవరి అయితే నేను 21 ఫిబ్రవరి.

ఫోటో లో ఎడమ వైపు నవీన్,పక్కన నేను[నలుగురి లో నాలుగో వాడిని]

అ-అరిసె, ఆ - ఆమ్మ(పెద్దమ్మ)

2010-01-13T18:03:00.003+05:30

అ- అమ్మ అనగానే ప్రేమా,మాదుర్యం,ఆప్యాయత అని ఎలా తెలుస్తుందో అలానే సంక్రాంతి పండగ అంటే భోగి పండ్లు,గొబ్బెమ్మలు,ముగ్గులు ఇంకా గుర్తువచ్చిందా? నోరు ఊరుతోందా ? అదేనండి అరిసెలు. హా! పలికితేనే నోరు అంత తియ్యగ అవుతుంది. ఇంకా తింటుంటే ఆహా ! నా రాజ ! .. మరి ఇంక ఏ- స్వీట్ దాని దక్కరకు రాదు. మనలో అరిసెలు చేయటం రాని వారు ఉన్నారేమో కాని తినడం ఇష్టం లేని వాళ్ళు ఉండరు అంటే అతిసోయక్తి కాదు. నాకు అరిసె అన్న, సంక్రాంతి అన్న ముందు గుర్తుకు వచ్చేది మా ఆమ్మ.
నాకు ఇంకా గుర్తు ఉంది.ప్రతి సంక్రాంతి పండగ కి కొత్తపాలెం (వెలది కొత్తపాలెం,చందర్లపాడు (మ),కృష్ణ(జి) మా సొంతూరు లేండి ) వెళ్ళడం. మేము వెళ్ళగానే మాకోసమే ఎదురు చూసే ఆమ్మ(కొంత మంది పెద్దమ్మ అని కూడ అంటారు),ఆమ్మ వేసే రంగు రంగుల ముగ్గులు, ముగ్గుల మధ్యలో గొబ్బెమ్మలు,వాటి మీద చల్లే బంతి పూలు , పొలం గట్ల నుండి కోసుకు వచ్చే రేగ్గాయలు నిజం గా మా మేము ఉండే వీది వైపు వచ్చి న వారు ఎవరైన సరే కళ్ళు తిప్పే వారు కాదంటే నమ్మండి.

మేము వెళ్ళిన రోజు నుండి మా ఆమ్మ పెట్టే పరుగులు,ఉరుకులు, మా చిన్నోడి కి అవి అంటె ఇష్టం ,ఇవి ఆంటే ఇష్టం అని చెప్పి తను చేసే వంటలు , స్వీట్లు . నేను నిజం గా (పెట్టి పుట్టాడు ఆంటారు చూడండి) అంత కన్న ఎక్కువ అన్నమాట. ఇంకా తను భోగి కి రెండు రోజుల ముందు అరిసెలు చేసేది.నన్ను పక్కన కూర్చొ పెట్టుకోని మా నాన్న చిన్నప్పటి విశేషాలు, మా అమ్మ చిన్నప్పటి కబుర్లు అని చెబుతూ బియ్యప్పిండి రోట్లో దంచుతు .... బెల్లం పాకం పడుతు మద్య మద్య లో మా అమ్మ కి .. లక్ష్మి ఇలా చెయ్యి .. అలా చెయ్యి అని ట్రైనింగ్ ఇస్తూ ...ఇంకా నెయ్యి లో వేయిస్తూ .. ఇవి కాస్త వత్తరా అని చిన్న హెల్ప్ అడిగి .. ఇవ్వాల పని అంతా మా వాడే చేసాడు అని ఇంటి ముందు అరుగు మీద కుర్చొని, అడిగిన వాళ్ళకి, అడగని వాళ్ళకి చెప్పేది. ఇంకా కనుము పండగ అయిపోగానే మేము ఊరికి బయలు దేరగానే ..మళ్ళి మా కోసం ఉగాది పండగ ఎన్నిరోజులకి వస్తుందో అని లెక్కలు వేసి, చేసిన పిండి వంటలు అన్ని ఒక సంచి లో పెట్టి . బాగ చదువుకో అని ఒక వందో, 2 వంద లో జేబులో పెడుతు కంటి నిండా నీళ్ళతో .. మనసు నిండా ప్రేమ తో చేయి ఊపుతు ఉగాది కి తప్పకుండ రార అని టాటా చెప్పేది.

ఆమ్మ ఇప్పుడు బౌతికము గా మా మద్య లేక పోయిన, నేను చూసే ప్రతి ముగ్గు లో ఉంది,నాకు ఇష్టమైన అరిసె లో ఉంది. నా గుండెలు నిండా ఎప్పుడు ఉంటుంది

మీరూ నవ్వండి

2009-12-30T17:29:00.001+05:30

నాకు మా స్నేహితుడి నుండి వచ్చిన మెయిల్. చూసి చాలా సేపు నవ్వా. మీరు ఇంతకుముందే చూసి ఉండవచ్చు. కాని మళ్ళి మళ్ళి చూసిన నవ్వు రావటం ఖాయం.

To ,

Tintumol

UKG A.

Dear Tintumol,

I love you. My dream I see you. Everywhere you. You no, I live no.

I come red shirt 2morrow. You love I, you come red frock. I wait down mango tree. You no come, i jump train. Sure come...

yours lovely,

Tutumon

Std 1 B

...........................................................................

.................

Reply....by Tintumol....

Darling, your letter mama see. Papa beat me beat me so many beat me.

I cry. i cry. So no come to mango tree. No jump train. I love you.

See another day. I no red frock. Only green.

You love me, you love me you green shirt. Give I gift. I see you with pinkumol.

Where you go.. NO talk to her. Okay My dream also only you

Lovely

Tintumol...

నవ్వారు కదా. నాకు తెలుసు అండి మీరు కూడ నవ్వుతారు అని అందుకే ఈ టప పోస్ట్ చేసా. చెప్పటం మరిచిపోయా మీరు ఇలానే 2010 మొత్తం సంతోషం గా నవ్వుతు,నవ్వులు పంచుతు, ఆనందముగా గడపాలని కోరుకుంటు. మీ అందరికి నూతన సంవత్సర శుభాకాంక్షలు.

ఇట్లు

====

నలుగురి లో నాలుగోవాడు.

Gentlemen's agreement 1956

2009-12-30T16:38:00.003+05:30

Gentlemen's agreement of Andhra Pradesh (1956)

The Gentlemen's agreement of Andhra Pradesh (1956) refers to a gentlemen's agreement that was signed between Telangana and Andhra leaders before the formation of the state of Andhra Pradesh in 1956. The agreement provided safeguards with the purpose of preventing discrimination against Telangana by the government of Andhra Pradesh. The alleged violations of this agreement are cited as one of the reasons for demands for separate statehood for Telangana

Agreement text

1. There will be one legislature for the whole of Andhra Pradesh which will be the sole law making body for the entire state and there be one Governor for the State aided and advised by the Council of Ministers responsible to the State Assembly for the entire field of Administration.

2. For the more convenient transaction of the business of Government with regard to some specified matters the Telangana area will be treated as one region.

3. For the Telangana region there will be a Regional Standing Committee of the state assembly consisting of the members of the State Assembly belonging to that region including the Ministers from that region but not including the Chief Minister.

4. Legislation relating to specified matters will be referred to the Regional committee. In respect of specified matters proposals may also be made by the Regional Committee to the State Government for legislation or with regard to the question of general policy not involving any financial commitments other than expenditure of a routine and incidental character.

5. The advice tendered by the Regional Committee will normally be accepted by the Government and the State Legislature. In case of difference of opinion, reference will be made to the Governor whose decision will be binding.

6. The Regional Committee will deal with following matters:

--Development and economic planning within the framework of the general development plans formulated by the State Legislature.

--Local Self Government, that is to say, the Constitutional powers of Municipal Corporations, Improvement Trusts, District Boards and district authorities for the purpose of Local Self Government or Village Administration.

--Public health and sanitation, local hospitals and dispensaries.

--Primary and secondary education.

--Regulation of admission to the educational institutions in the telangana region.

--Prohibition—Sale of agricultural lands.

--Cottage and small scale Industries, and Agriculture, Cooperative Societies, Markets and Fairs. Unless revised by agreement earlier this arrangement will be reviewed after ten years.

7. Domicile Rules : A temporary provision be made to ensure that for a period of five years, Telangana is regarded as a unit as far as recruitment to subordinate services is concerned; posts borne on the cadre of these services may be reserved for being filled up by persons who satisfy the domicile conditions as prescribed under the existing Hyderabad Mulki Rules. ( 12 years of Stay in Telangana area)

8. Distribution of expenditure between Telangana and Andhra Regions--- Allocation of expenditure with the resources of the state is a matter which falls within the purview of the State Government and the State Legislature.. Since , however, it has been agreed to the representatives of Andhra and Telangana that the expenditure of the new state on central and general administration should be borne proportionately by the two regions and the balance of income should be reserved for expenditure on the development of Telangana area, it is open to the state government to act in accordance with the terms of agreement in making budgetary allocations. The Government of India propose to invite the attention of the Chief Minister of Andhra to this particular understanding and to express the hope that it will be implemented.

9. The existing educational facilities including Technical Education in Telangana should be secured to the students of Telangana and further improved---

10. The cabinet will consist of members in proportion of 60:40 percent for Andhra and Telangana respectively, out of 40 % of Telangana ministers, one will be a Muslim from Telangana. If the Chief Minister is from one region the other region should be given Dy Chief Ministership.

ఆందోళనాంధ్ర ప్రదేశ్ - 2009

2009-12-29T11:16:00.000+05:30

ఈ యేడు ఆందోళనలు జరిగినట్లు గా,నాకు తెలిసి ఈ దశాబ్దం లో మరే సంవత్సరం జరగలేదు అనుకుంటా?.ఒకే సంవత్సరం రెండు సూర్య గ్రహణాలు వస్తే చాలా అరిష్టం అని చాలా మంది భావించినట్లే ఈ యేడు అంత చాలా ఆందోళన కరం గా సాగింది.

జనవరి 7 సత్యం స్కాం తో మొదలైన మన రాష్ట్ర ఆందోళనలు ఈ సంవత్సరం అంతట ఏదో ఒక రూపం లో కనిపిస్తునే ఉంది. ఈ సంవత్సరం మనకు మొదటి ఆందోళన "సత్యం స్కాం".

జనవరి 7 శ్రీ రామలింగరాజు తన బోర్డ్ ఆఫ్ డైరెక్టర్స్ కి రాసిన లేఖ తో మన రాష్ట్రం తో పాటు మన దేశం మొత్తం తల దించుకోవల్సిన పరిస్తితి ఏర్పడింది."సత్యమేవ జయతే" అని గొప్పగా చెప్పుకునే మన దేశం లో "సత్యం" అంటే "మోసం" అనే పరిస్తితి కి వచ్చింది. అమేరికా లో ఏర్పడిన ఆర్దిక మాంద్యం మన దేశాన్ని,రాష్ట్రాన్ని ఒక్క కుదుపు కుదిపి ఎంతో మంది బడా బడా బాబులు తో పాటు మన రాష్ట్ర మద్య తరగతి ప్రజానికం వరకు ఆందోళనకు గురిచేసింది.

ధరలు ఇస్రో ప్రయొగించిన రాకెట్స్ లా ఒక పక్క దూసుకుపొతున్న తరుణం లో మన రాష్ట్ర,మరియు దేశ సార్వత్రిక ఎన్నికల తో ప్రజల పరిస్తితి మరి దయనీయం గా సాగింది.మంచో?చెడొ? అందరు అనుకున్నట్లు గా కాకుండ రాష్ట్రం లో,దేశం లో సుస్తిర ప్రభుత్వం ఏర్ఫాటు తో ప్రజలు ఊపిరి పీలుస్తున్న తరుణం లో మన రాష్ట్ర ముఖ్యమంత్రి హెలికాప్టర్ ప్రమాదం లో మరణించటం తో మళ్ళి ప్రజల లో భయం,ఆందోళన లు ఎక్కువ అయ్యాయి. ఆయన మరణించి 10 రోజులు కూడ కాకండానే జగన్ ను మ్య్ఖ్య మంత్రి ని చెయ్యాలి అని కొందరు చేసిన ఆందోళనలు , అల్లర్లు మన రాష్ట్ర ప్రజల్ని మరో మారు ఆందోళనలకు గురిచేసాయి.ఈ ఆందోళనలు జరుగుతు ఉండగానే ఉవెత్తున ఎగిసి పడిన వరదలు కర్నూలు,మహబూబ్ నగర్,కృష్ణ,గుంటూరు జిల్లాల్ని, మన రాష్ట్ర ప్రజల్ని మరింత ఆందోళన లోకి నెట్టాయి.

ఇవి అన్ని ఒక ఎత్తు అయితే Last but not Least అన్నట్లు గా నవంబర్ 30 నుండి తెలంగాణా అంశం మరింత ఆందోళన పెంచుతున్నాయి. ఈ ఆందోళనలు మనల్ని ఎక్కడకు తీసుకువెళ్తాయో తెలియదు కాని ఈ సంవత్సరం మొత్తం మన రాష్ట్రం హరితాంద్ర ప్రదేశ్ గానో,స్వర్ణాంద్ర ప్రదేశ్ గానో , సామజికాంద్ర ప్రదేశ్ గానో కాకుండ ఆందోళనాంద్ర ప్రదేశ్ గా మిగిలి పోయింది

మతాలు వాటిని అనుసరించే మనుషులు

2009-12-25T00:15:00.000+05:30

మనుషులు ఎప్పుడు పుట్టారో ...మతం అప్పుడే పుట్టింది. అనాదిగా మానవుడు తను చేయలేని ప్రతి పనిని ఏదో ఒక శక్తి చేస్తున్నది,నడిపిస్తున్నది అని భావిస్తు వచ్చాడు.ఆ భావన కొన్ని రోజులకు నమ్మకం గా మారింది. ఆ నమ్మకం గురించి తన వాళ్ళాకు చెప్పి ఒప్పించాడు. అలా ఒకే నమ్మకం కలిగిన వాళ్ళు మేమంత ఒక మతం అన్నారు. వారందరు కలిసి ఆ శక్తి కి దైవం అని పేరు పెట్టారు. అప్పటి నుండి తనకు తెలియని పనిని చేశేది ఆ దైవమే అని భావించారు. ఆయనను పూజిస్తే (అనుసరిస్తే) మంచి జరుగుతుంది అని నమ్మారు. సాదారణం గా ఒకే ప్రాంతం లో ఉండే వారు,ఒకే వేషధారణ,ఒకే విధమైన భౌగోళీక పరిస్తితులు కలిగిఉంటారు.కాబట్టి వారు అలా ఒకే మతం గా జీవించారు.
మతం అనుసరించడం లేద పాటించడం అంటే ఒక శక్తి మీద నమ్మకం కలిగిఉండటం.ఎలా అనుసరించాలో చెప్పటానికి కొన్ని సూచనలు చెప్పబడ్డాయి. మతం ఎదైన మంచి ని బోధిస్తుంది,మంచి మార్గము లో నడవమంటుండి. రాముడు అయిన అల్లా అయిన ఏసు అయిన మంచి మార్గము లో నడిచారు కాబట్టి వాళ్ళు దైవం గా కొలవబడుతున్నారు. దైవం ఏమి చేసిన మంచే చేస్తాడు అని మనం బావిస్తున్నాము కాబట్టి మంచి పనులు చేసే ప్రతి ఒక్కరు దైవం తో సమానం. మతం అంటే దైవాన్ని చేరే మార్గం. ఎవరి మార్గం వారిది,అలాంటప్పుడు మన మార్గమే(మతమే) గొప్ప అనుకొవడం తప్పు. ఆ తప్పుని అందరిచేత ఒప్పించడం కోసం తమదే గొప్ప మతమని,మా మార్గం అనుసరిస్తే డబ్బులు ఇస్తామని,లేద కాలిజి లో సీట్ ఇస్తామని చెప్పి వారికి ఆశ చూపి వారిని మార్గం మార్చుకోమనడం ఇంకా పెద్ద తప్పు.ఏ దైవం ఎప్పుడు తప్పుని ప్రోత్సహించదు. ప్రతి ఒక్కరి దైవం చేసిన విధంగా మంచి ని ప్రచారం చేయండి అంతే కాని మతాన్ని కాదు.ఏ మార్గానికి విలువలేదు కేవలం గమ్యానికే విలువ. అది తెలిసిన నాడు ఏ మార్గమైన ఒకటే మనం దేనికోసమో మన మార్గాన్ని మరల్చుకోవల్సిన అవసరం ఉండదు.మతం కోసం కోట్లాటలు ఉండవు.

ఇక నుండి ... నన్నడిగితే .....?

2009-12-24T19:48:00.000+05:30

ఇక నుండి విషయం ఏదైన ... సమయం ఏదైన.. సందర్బం ఏదైన.... నా వర్షన్ .. నన్నడిగితే .... నా వర్షన్ నన్ను అడిగితే లో మాత్రమే ....

ఎంకీ's Marriage సుబ్బీ's Death

2009-12-22T18:24:00.000+05:30

ఎంకి పెళ్ళి సుబ్బి చావు కి వచ్చింది అన్నట్లు తయారు అయింది మన రాష్త్రం సంగతి. ఏమని K C R తెలంగాణ కోసం దీక్ష మొదలుపెట్టారో తెలియదు కాని ఆ రోజు నుండి మన ప్రజల కష్టాలు మొదలు అయ్యాయి.10 రోజులు హైదరబాదు బందులు రాస్థా రోఖో ల తో తల్లడిల్లింది ఇప్పుడు ఎమో "లగడపాటి" గారి రగడం తో మళ్ళి రాష్ట్రం మొత్తం బందులు రాస్థా రోఖో లతో అట్టుడుకుతుంది. దీని వల్ల ఎవరు లాభ పడతారో తెలియదు కాని కాలేజి లు మూతపడి,పరీక్షలు వాయిదపడి మెరిట్ విద్యార్ధులు ఎంతో నష్ట పోయారు. ఈ విలువైన కాలాన్ని వాళ్ళాకి మళ్ళి అందించగలరా? ఎప్పుడో, జన్మకో శివరాత్రి లాగ పడె గ్రూప్ 2 ఈ గొడవల మద్య వాయిద పడింది. ఈ పరీక్షని తమ జీవిత పరీక్షలా భావించి సన్నద్దం అయిన వాళ్ళ పరిస్థిథి ఏమిటి? అసలే నష్టాల ఊబిలో కూరుకుపోయిన R.T.C పరిస్థితి ఏమిటి? R.T.C కి వచ్చిన నష్టాలు చార్జీలు పెంచో ఉన్న రూట్లు తీసివేసో పూడ్చుకోగలదు,గ్రూప్ 2 మళ్ళి పెడతారు అనుకుందాము కాని రెక్క ఆడితే గానిడొక్క ఆడని రోజువారి వారి కూలీల నిన్నటి ఆకలి ఇవాల తీరుస్తారా? సరైన సమయం లో వైద్యం అందక మరణించిన వారి ప్రాణాలు తిరిగి పోస్తారా? మనుషల భావోద్వేగాలని రెచగొట్టి వారి ప్రాణలని పణంగా పెట్టిన(శ్రీకాంత్)లాంటి వారి ప్రాణాల్ని తిరిగి సాదించగలరా?

ఇప్పుడు టెస్టుల్లో మనమే నంబర్ వన్

2009-12-17T00:11:00.004+05:30

100 కోట్ల భారత్ ప్రజలు అందరు ఆనందించవలసిన క్షణాలు . ఎన్నో ఏళ్ళుగా మనం ఎదురుచూస్తున్న నంబర్ వన్ స్థానం, ధోని నాయకత్వం లో మనం సాధించాం; మారిన "ఐసిసి" నిబందనల ప్రకారం గడిచిన సంవత్సరా మన ఘణాంకాల ప్రకారం ఆస్ట్రేలియ ని ,దక్షిణాఫ్రికా ని వెనక్కి నెట్టి మనం మొట్టమొదటి సారి మనం నంబర్ వన్ అయ్యాం . ఎప్పుడు వక్తిగతముగా నంబర్ వన్ లో ఉండే మన ఆటగాళ్ళు సమిష్టిగా భారత్ ని నంబర్ వన్ లో నిలబెట్టారు . ఇది అంతా ఒకరు ,ఇద్దరు ఆటగాళ్ళ వల్ల నో కేవలం ధోని నాయకత్వం వల్లనో సాధ్యం కాలేదు కేవలం తుది 11 మంది సమష్టి గా ఆడితేనే ఇది ఈనాడు సాధ్యం అయ్యింది . పెద్దలు అన్నట్లు "నంబర్ వన్ అవ్వటం తేలికనే దానిని నిలబెట్టుకోవటం కష్టం " మన ధోని నాయకత్వం లోని సీనియర్ మరియు జూనియర్ ఆటగాళ్ళ అందరి మీద ఇంకా బాధ్యత పెరిగింది . ఇక మీదట కూడ వాళ్ళు మన అందరి కలలు నిజం చేస్తు 2011 వరల్డ్ కప్ ని కూడా సాదిస్తారు ని కోరుకుందాము

A.P.S.R.T.C నష్టం 50 కోట్లు [ 29-11-2009 to 14-12-2009]

2009-12-16T23:56:00.002+05:30

A.P.S.R.T.C నష్టం 50 కోట్లు. 50 కోట్లు పెద్ద నెంబర్ ఎమి కాదు కాని దీని లో ఒక బయంకరమైన నష్టం ఉంది.ఈ డబ్బులు ఎవరివి? మన క్షనికావేశం లో తగలబెట్టిన , పగలగొట్టిన బస్సులు మరమత్తుల కోసం వినియోగించే ధనం ఎవరిది? అసలే కొత్త బస్సులు కొనడానికి కావల్సిన ధనం లేక అవస్థ పడుతున్న మన ఆర్.టి.సి. వీటి మరమత్తుల కోసం డబ్బులు ఎక్కడ నుండి తెవాలి? మన హైదరబాదు జనానికి ఉన్న బస్సులు చాలట్లెదు కొత్త బస్సులు కావాల్సిన పరిస్థితిలలో మన ఈ ఉద్వేగలకు ఉన్న బస్సులు కూడ తిరగకపోతె ఎవరికి నష్టం ? నాయకులకా? కాదు వాళ్ళు వాళ్ళ కార్ల లో తిరుగుతారు? మరి ఆర్.టి.సి. కా ? కాదు వాళ్ళు ఉన్న బస్సులు నే తిప్పుతారు ? మరి నష్టం ఎవరికి? రేపు పొద్దున్నే కాలేజి కి పోయే మీ తమ్ముళ్ళకి, చెళ్ళళ్ళకి , ఉద్యోగం కోసం సిటి బస్సు ఎక్కాల్సిన నీకు ? రేపు ఈ నష్టం పూడ్చటం కోసం చార్జిలు పెంచితే కష్టం ఎవరికి? మిమ్మల్ని రెచ్చగొట్టె నాయకులు హ్యాపి గా A/C కారు లో తిరుగుతారు? మరి మీ సంగతి ఎమిటి?

బాంచన్ మీ కాళ్ళు మొక్కుతం మా తెలంగాణా విడువుండ్రి

2009-12-16T23:24:00.000+05:30

ఆంధ్ర అన్నా,అక్కా లారా బాంచన్ మీ కాళ్ళు మొక్కుతం మా తెలంగాణా విడువుండ్రి. మా తెలంగాణ రాష్త్రం మాకు కావలే. 50 ఎళ్ళ సంది మేము వాళ్ళ కాళ్ళు వీళ్ళ కాళ్ళు మొక్కి పోలీస్ వోళ్ళ చేతిలో దెబ్బలు తిని,మమ్మల్ని మేము ఆకలితో మాడ్చు కొని ,మంటల తో కాల్చుకొంటే, గిప్పుడు మాకు అనుకూలం గా పైనోడు ఒక్క మాట చెప్పినందుకు ఇంత లొల్లి చెస్థారా ? ఎమన్నా మేము మనుషలం గామా? మేము చల్లగా బతగ్గూడదా ?. 50 ఎళ్ళ సంధి మీరు మమ్మల్ని అణగదొక్కుతున్నారు ? ఎన్ని రోజులన్న మేము బరించేది? మేము మీతో ఉండం మొర్రో అంటంటే మీరు ఇయ్యాలా సమక్యాంద్ర అంటు ఈ గొడవలేంది ? రోజు తినేటొడికి ఆకలి బాధ ఎం తెలుస్తది?. మీ స్వార్ధం కోసం మీరు ఇయ్యాల గొడవ చేస్తూ మమ్మల్ని స్వార్ధ పరులంటరా? మేము మిమ్మల్ని మీ ధన బలాన్ని తట్టుకొలేకనే కదా మా తెలంగాణా మాకు కావాలి అంటన్నాం. మొదట నుంచి మీరే మా కానికి వచిర్రు. హైదరబాదు ,హైదరబాదు అంటరు ఎందన్న? ఎమి చెసారు హైదరబాదు కి మీరు ట్రాఫిక్ పెంచడం తప్ప ? గోల్కొండ మీరు కట్టారా? చార్మినార్ మీరు కట్టరా ? చివరికి అసెంబ్లి హాలు , రైల్వే స్టేషన్లు కూడ మీరు కట్టిన్వి కాదు. ఉత్త పున్యానికి మా భుములు లాక్కొని పెద్ద పెద్ద బిల్డింగ్లు కట్టుకొని మీరు కోట్లు దొబ్బుతు హైదరబాదు ని అభివ్రుద్ది చేసాం అంటరేమన్న? ఇదే ఇంత జాగా మీ విజయవాడ, కర్నూలు లో ఇంత తక్కువ రేటు కి దొరుకుతాయా అన్నా? మా హైదరబాదు పేరుచెప్పి మీరు అబివ్రుద్ది అయ్యురు మేం గట్లనే ఉన్నం. గిన్ని దినాలు మిమ్మల్ని నమ్మినం ఇక మీరు ఏం ఒర్లకుండ్రి. మా తెలంగాణా మాకు కావలే . మమ్మల్ని మేమే పాలించికుంటం. మా సర్కారు కొలువులు మాకు కావలే. ఇగో ప్రైవేట్ కొలువులు బయట రాష్ట్రల్లొ చేయట్లె .. బెంగళూరు లో , పునే లో అమెరికా లో మనొళ్ళు పని సెయట్లలేద అంట ? ఆడ భూములు కొనట్లేద అంట? గట్లనే హైదరబాదు లో గూడ. మీరు మా భూములు లాక్కున్నట్లుగా మేం మీ కాడ లాక్కోం. హైదరబాదు లో ఊండండి మీ కొలువులు మీరు సేసుకుండి కాని హైదరబాదు తెలంగాణా లొనే ఉంటది ? తెలంగాణా మటుకు ప్రత్యెకంగా ఉంటది.
అన్నలారో, అక్కలారో మా ప్రియమైన విద్యార్ధులార యాద్జెయటం మరిచిన మీ నాయకులు అంత (వైస్, చంద్రబాబు,చిరంజీవి) పచ్చి మోసగాళ్ళు వాళ్ళ స్వార్ధం కోసం ఎన్నో చెబుతారు మా తెలంగాణ రాష్ట్రంలో(ఇయ్యాల కాపొతే రెపు అయిన) ఊరు ఊరు వాడ వాడ తిరిగి ఓటు వెస్తే తెలంగాణా కి మద్దతు ఇస్తం అని చెప్పి తీర ఓటు వేసినాక గిప్పుడు నాటకాలు ఆడుతుంద్రు. ఇయ్యాల మమ్మల్ని ముంచిర్రు.రేపు మిమ్మల్ని ముంచరు అని గ్యారింటి ఎంది ? మీరు కొంచెం హుషారు ఉండాలే. జై తెలంగాణా ... జై జై తెలంగాణా

మీకు తెలుసా సెక్షన్ 144 గురించి?

2009-12-09T15:52:00.000+05:30

మన దేశము లో ఏ మాత్రం అల్లర్లు చెలరేగిన ప్రభుత్వం ముందు చేసే పని 144 సెక్షన్ ప్రకటించడం. సెక్షన్ 144 ఉంది అని అందరికి తెలుసు కాని అసలు అది అంటే ఏమిటీ? ఆ సమయం లో మనం ఏమి చేయవచ్చు ? ఏమి చేయకూడదు ? తెలుసుకుందాము .
               భారత శిక్షాస్మౄతి 144 ప్రకారము, ఏ ఒక్కరు, ప్రాణానికి హాని చేయగలిగే ఆయుధాలు [మారణాయుధాలు] కలిగి ఉండటం నేరం. మరియు 3 లేద అంతకన్న ఎక్కువమంది గుమికూడి చట్ట వ్యతిరేక కార్యక్రమాలు చేయడం కాని, శాంతి భద్రతలకు విఘాతం కలిగించడం వంటివి చేయడం నేరం.
                   ఈ నేరాలు గనుక రుజువు అయితే అట్టి వారికి గరిష్టము గా 2 సం:: కారగారము, జరిమానా, కొన్ని సంధర్భాలలో రెండును విధించవచ్చు.

మరి కొన్ని సెక్షన్స్ కొరకు చూడండి.మరి కొన్ని సెక్షన్స్ కొరకు నన్ను క్లిక్ చేయండి

ఆయన పోయారు , మరి మనం ?

2009-10-01T00:44:00.000+05:30

రాజశేఖర్ రెడ్డి గారు పోయిన తరువాత మన రాష్ట్రం లో పరిస్థితి పూర్తిగా మారి పోయింది. అధికార పార్టి ని, ప్రభుత్వాన్ని సమర్ధం గా నడిపే వాడే లేక గందర గోళం గా మారింది. ఉన్న వాళ్ళు , వాళ్ళకు వాళ్ళు తన్నుకోవడమే తప్ప వేరే ఏ పని చేయడంలేదు. ప్రజా ప్రయోజనాలని గంగ లో కలిపి "జగన్" కోసం కొంత మంది "సోనియా బజన" కోసం కొంత మంది విడి పోయి మరి తిట్టుకుంటున్నారు.

ఫించను దారులు కు జీతాలు ఇవ్వడానికి ఖజాన సరిపొదు అనే చెప్పే మన "పిట్ట కథల" ముఖ్యమంత్రి గారు ... పావురాల గుట్ట కి కాలి బాట కోసం, అక్కడ ఒక స్మారక స్థూపం కోసం డబ్బులు ఎందుకు ఖర్చు పెడుతున్నారో వారికే తెలియదు. మన పరిస్థితి ఎంత దయనీయం గా తయారు అయిందంటే "బస్సు లు తగలపెట్టి ప్రబుత్వాని కి 26 లక్షల నష్టం తెచ్చిన వారిని సిగ్గు లేకండ వదిలేసి " కేవలం పార్టి ఆఫీస్ లో 2000 (ఇది ప్రజా ధనం కాదు ) కూడ విలువ చేయని ఫ్లెక్సి ని చింపారు అని రాద్దాంతం చేసి వాళ్ళ మీద కేసు పెట్టి దాని గురించి గంటల కొద్ది సోది మళ్ళి.

ఇంకా మన "సారి" వి హెచ్ అయితే ఎవరు అయిన ఎమైన అనుకంటారు అని కూడా లేకండా సోనియా కోసం ఎకం గా " ఒక సహస్రా నామర్చన " చేసేసాడు. ఆమె లేక పోతే పార్టి నే లేదు. "కాంగ్రేస్ అంటె సోనియా .. సోనియ అంటే కాంగ్రేస్ " అని నిర్వచనం చెప్పాడు.
ఏది ఏమైన .. రాజు పోయాడు అని ప్రజలు కూడ పోరు కదా .. వీళ్ళు ఇంతే "పిల్లులు" లాగా కొట్టుకుంటు ఉంటే చిన్నప్పుడు చదివిన 2 పిల్లులు 1 కోతి కధలో లాగా ప్రాంతియ పార్టి లు అధికారం అనే రొట్టెని తన్నుకు పోతాయి . మళ్ళి ఈ మొహాలకి డిపాజిట్లు కూడ దక్కవు .

జనాన్ని బాధపెడితే సోనియా నే కాదు అమె అత్తగారు , తాత గారు అయిన ఓడిపోవల్సిందే. నాయకులు ప్రజల కోసం అని చెప్పి ప్రజల మీద బతుకున్నారు అంతే గాని ప్రజలు వాళ్ళ మీద ఆదర పడలేదు.

దసరా [వికీపీడియా నుండి]

2009-09-24T12:20:00.000+05:30

దసరా ఒక హిందువుల పండుగ. ఆశ్వయుజ శుద్ధ పాడ్యమి నుండి తొమ్మిది రోజులు దేవీ నవరాత్రులు పదవ రోజు విజయ దశమి కలసి దసరా అంటారు. ఇది ముఖ్యముగా శక్తి ఆరాధనకు ప్రాధాన్యత ఇచ్చే పండుగ. ఈ పండుగకు నవరాత్రి, శరన్నవరాత్రి అనీ అంటారు. శరదృతువు ఆరంభంలో వచ్చే పండుగ కనుక ఈ పేరు వచ్చింది. కొందరు ఈ పండుగకు మొదటి మూడు రోజులు పార్వతిదేవికి తరవాతి మూడు రోజుల లక్ష్మీ దేవికి తరవాతి మూడురోజులు సరస్వతి దేవికి పూజలు నిర్వహిస్తారు. ఈ సమయంలో పూజలో విద్యార్ధులు తమ పుస్తకాలను ఉంచుతారు. ఇలా చేస్తే విద్యాభ్యాసంలో విజయం లభిస్తుందని విశ్వసిస్తారు. సామాన్యులే కాక యోగులు నవరాత్రులలో అమ్మవారిని పూజిస్తారు. ముఖ్యముగా శాక్తేయులు దీనిని ఆచరిస్తారు. బొమ్మల కొలువు పెట్టడం ఒక ఆనవాయితీ. ఆలయాలలో అమ్మవారికి ఒక్కోరోజు ఒక్కో అలంకారం చేస్తారు. పదవరోజు పార్వేట ఉంటుంది. ఈ రోజు ప్రజలు ఒక ప్రదేశంలో కూడి వేడుక జరుపుకుంటారు. జమ్మి చెట్టు ఉన్న ప్రదేశంలో పార్వేట చేయడం ఆనవాయితీ.

దసరా పండుగ విజయదశమి నాడు జరుపుకోవడం జరుగుతుంది. తెలుగు వారు దసరాని పది రోజులు జరుపుకుంటారు. ముందు నవరాత్రులు దుర్గ పూజ ఉంటుంది. తెలంగాణా లో ఈ తొమ్మిది రోజులు అమావాస్య నుంచి నవమి వరకు బతుకమ్మ ఆడుతారు. తెలంగాణా పల్లెల్లో ప్రతి అమావాస్య కి స్త్రీలు పట్టు పీతాంబరాలు దరించటం ఆనవాయితీ. విజయదశమి రోజున చరిత్ర ప్రకారం రాముడు రావణుని పై గెలిచిన సందర్భమే కాక పాండవులు వనవాసం వెళ్తూ జమ్మి చెట్టు పై తమ ఆయుధాలను తిరిగి తీసిన రోజు. ఈ సందర్భమున రావణ వధ, జమ్మి ఆకుల పూజా చేయటం రివాజు. జగన్మాత అయిన దుర్గా దేవి, మహిషాసురుడనే రాక్షసుని తో 9 రాత్రులు యుద్ధము చేసి అతనిని వధించి జయాన్ని పొందిన సందర్భమున 10వ రోజు ప్రజలంతా సంతోషముతో పండగ జరుపుకున్నారు, అదే విజయదశమి. దేవీ పూజ ప్రాధాన్యత ఈశాన్య భారతదేశములో హెచ్చుగా ఉంటుంది

మహిషాసురమర్ధిని

కలకత్తా ఉత్సవాలలో ప్రతిష్టించిన మహిసాసుర మర్దిని దుర్గామాత విగ్రహంబ్రహ్మదేవుని వరాల వలన వరగర్వితుడైన మహిషాసురుడు దేవతల్తో ఘోరమైన యుద్ధమి చేసి వారిని ఓడించి ఇంద్రపదవి చేపట్టాడు. దేవేంద్రుడు త్రిమూర్తులతో మొర పెట్టుకొనగా మహిషునిపై వారిలో రగిలిన క్రోధాగ్ని ప్రకాశవంతమైన తేజముగా మారింది. త్రిమూర్తుల తేజము కేంద్రీకృతమై ఒక స్త్రీరూపమై జన్మించింది.
శివుని తేజము ముఖముగా, విష్ణు తేజము బాహువులుగా, బ్రహ్మ తేజము పాదములుగా కలిగి మంగళమూర్తిగా అవతరించిన ఆమె 18 బాహువులను కలిగి ఉంది. ఆమెకు శివుడు శూలమును, విష్ణువు చక్రమును, ఇంద్రుడు వజ్రాయుధమును, వరుణ దేవుడు పాశము , బ్రహ్మదేవుడు అక్షమాల, కమండలము హిమవంతుడు సింహమును వాహనంగాను ఇచ్చారు. ఇలా సర్వదేవతల ఆయుధములు సమకూర్చుకొని మహిషాసురుని సైన్యంతో తలపడి భీకరమైన పోరు సల్పింది. మహిషాసురుని తరఫున పోరు సల్పుతున్న ఉదద్రుడు, మహాహనుడు, అసిలోముడు, బాష్కలుడు, బిడాలుడు మొదలైన వారిని సంహరించిన తరువాత మహిషాసురునితో తలపడినది. ఈ యుద్దములో ఆదేవి వాహనమైన సింహమూ శత్రువులను చీల్చి చెండాడింది. దేవితో తలపడిన అసురుడు మహిషిరూపము, సింహరూపము, మానవరూపముతో భీకరముగా పోరి చివరకు తిరిగి మహిషిరూపములో దేవిచేతిలో హతుడైనాడు.ఈ విధంగా అప్పటి నుండి మహిషుని సంహరించిన దిము దసరా పర్వదినంగా ప్రజలచే కొనియాడబడింది.

నరాత్రులు నవరూపాలు

నవరాత్రి ఉతవాలలో ఆలయాలలో పార్వతీదేవికి రోజుకు ఒక అంకరణ చేస్తారు ఇలా ఒక్కోప్రాంతంలో ఒక్కోలా నామాలు ఉంటాయి. కొన్ని ప్రాంతాలలో మొదటి రోజు శైల పుత్రి, రెండవ రోజున బ్రహ్మచారిణి, మూడవ నాడు చంద్రఘంటాదేవి, నాల్గవ రోజున కూష్మాండాదేవి, అయిదవ రోజున స్కందమాత, ఆరవ రోజున కాత్యాయినీ, ఏడవరోజున కాళరాత్రి, ఎనిమిదవ రోజున మహాగౌరి, తొమ్మిదవ రోజున సిద్ధిధాత్రిదేవిగా పూజిస్తారు. కొన్ని ప్రదేశాలలో పార్వతీ దేవిని కనక దుర్గగా, మహా లక్ష్మిగా, అన్నపూర్ణగా, గాయత్రిగా, బాలాత్రిపురసుందరిగా, రాజరాజేశ్వరిగా, మహిషాసుర మర్ధినిగా ఆరాధిస్తారు

నవదుర్గలు

హిందూ సంప్రదాయంలో శక్తి స్వరూపిణి అయిన పార్వతి అవతారాలలో నవదుర్గలు ముఖ్యమైనవిగా భావిస్తారు. ఆ తల్లి బ్రహ్మ, విష్ణు, శివ అంశలతో మహా సరస్వతి, మహాలక్ష్మి, మహాకాళిగా అవతరించినదని, ప్రతి అవతారం నుండి మరొక రెండు రూపాలు వెలువడినాయని కధనం. ఇలా 3 + 6 = 9 స్వరూపిణులుగా, అనగా నవ దుర్గలుగా, దుర్గను పూజిస్తారు.

గొవా, మహారాష్ట్రలలో అధికంగా ఉన్న గౌడ సారసజ్వత బ్రాహ్మణుల కులదేవత "నవదుర్గ". గొవాలో మడికియమ్, పాలె, పోయింగ్వినిమ్, బోరిమ్‌లలోను, మహారాష్ట్రలోని రేడి, వెంగుర్ల లలోను నవదుర్గా మందిరాలున్నాయి. 16వ శతాబ్దిలో గోవా రేడి నవదురగ్ా మందిరం ప్రస్తుత మహారాష్ట్రలోని వెంగుర్లకు మార్చబడింది. నవరాత్రి ఉత్సవాలలో నవదుర్గలను పూజిస్తారు

సప్తశతీ మహా మంత్రానికి అంగభూతమైన దేవీకవచంలోనవదుర్గలు అనే పదం స్పష్టంగా కనిపిస్తోంది. అక్కడ ఇలా ఉంది.

1.ప్రథమం శైల పుత్రీతి

2.ద్వితీయం బ్రహ్మచారిణీ

3.తృతీయం చంద్ర ఘంటేతి

4.కూష్మాండేతి చతుర్థకం

5.పంచమం స్కందమాతేతి

6.షష్ఠం కాత్యాయనీతి చ

7.సప్తమం కాలరాత్రీతి

8.మహాగౌరీతి చాష్టమం

9.నవమం సిద్ధిదా ప్రోక్తా

నవదుర్గా ప్రకీర్తితా ఇక్తాన్యేతాని నామాని బ్రహ్మణైవ మహాత్మనా

ఈ 9 నామాలను సాక్షాత్తు బ్రహ్మ దేవుడే చెప్పాడని వుంది. అయితే, సప్తశతీ గ్రంథంలో మాత్రం వీరి చరిత్రలను ప్రస్తావించలేదు.

శైలపుత్రి
బ్రహ్మచారిణి
చంద్రఘంట
కూష్మాండ
స్కందమాత
కాత్యాయని
కాళరాత్రి
మహాగౌరి
సిద్ధిధాత్రి

వన్ డే ల్లో మనం నంబర్ వన్

2009-09-12T12:08:00.000+05:30

100 కోట్ల భారత్ ప్రజలు అందరు ఆనందించవలసిన క్షణాలు . ఎన్నో ఏళ్ళుగా మనం ఎదురుచూస్తున్న నంబర్ వన్ స్థానం, ధోని నాయకత్వం లో మనం సాధించాం; మారిన "ఐసిసి" నిబందనల ప్రకారం గడిచిన 2 సంవత్సరాలలో మన ఘణాంకాల ప్రకారం ఆస్ట్రేలియ ని ,దక్షిణాఫ్రికా ని వెనక్కి నెట్టి మనం మొట్టమొదటి సారి మనం నంబర్ వన్ అయ్యాం . ఎప్పుడు వక్తిగతముగా నంబర్ వన్ లో ఉండే మన ఆటగాళ్ళు సమిష్టిగా భారత్ ని నంబర్ వన్ లో నిలబెట్టారు . ఇది అంతా ఒకరు ,ఇద్దరు ఆటగాళ్ళ వల్ల నో కేవలం ధోని నాయకత్వం వల్లనో సాధ్యం కాలేదు కేవలం తుది 11 మంది సమష్టి గా ఆడితేనే ఇది ఈనాడు సాధ్యం అయ్యింది . పెద్దలు అన్నట్లు "నంబర్ వన్ అవ్వటం తేలికనే దానిని నిలబెట్టుకోవటం కష్టం " మన ధోని నాయకత్వం లోని సీనియర్ మరియు జూనియర్ ఆటగాళ్ళ అందరి మీద ఇంకా బాధ్యత పెరిగింది . ఇక మీదట కూడ వాళ్ళు మన అందరి కలలు నిజం చేస్తు 2011 వరల్డ్ కప్ ని కూడా సాదిస్తారు ని కోరుకుందాము

కొత్త CM రేస్ లో ఎవరు ?

2009-09-12T11:42:00.000+05:30

జగన్ కోసం అధిష్టానం దగ్గరికి పరిగెత్తిన మన నాయకుల కి సోనియ గాంధి బాగానే గడ్డి పెట్టినట్లు ఉంది మళ్ళి ఎవరు నోరు ఎత్తట్లేదు. ఆమె ప్రకారం మన కొత్త CM రేస్ లో జైపాల్ రెడ్డి , డి ఎస్ , కేశవరావు , రోశయ్య మరియు జగన్ ఉన్నారు అనే ఊహాగానాలు వినవస్తున్నాయి.ఈ సందర్బం లో వాళ్ళ ప్రజా ప్రస్థానమేమిటో ఒక సారి పరిశీలిద్దాము.
ముందుగా రోశయ్య, 1933 జూలై 4 న గుంటూరు జిల్లా వేమురు లో జన్మించారు. ఆయన 1968 ,1974,1980 లో MLC గా ఎన్నికయ్యారు. మొట్టమొదటి సారి 1979 లో కాబినెట్ మినిష్టర్ అయ్యారు . మొత్తం 13 సార్లు ఆయన బడ్జెట్ ప్రవేశ పెట్టారు. 1995 నుండి 1997 వరకు PCC ప్రెసిడెంట్ గా పనిచేసారు . ఆయన ఒక సారి MP గా కూడ ఎన్నికయ్యారు . ఆయన "వై ఎస్" మరణానికి ముందు ఆర్ధిక శాఖ మంత్రిగ ఉన్నారు. ఆయన వివాద రహితుడి గా , ఆంద్రప్రదేశ్ లో ఉన్న సీనియరు రాజకీయనాయకుడిగా. ఎంతో అనుభవం ఉన్న ఆయన CM రేస్ లో కూడా ముందే ఉన్నారు.
సూదిని జైపాల్ రెడ్డి .. will update soon ..... little busy at work .......

మన పయనం ఎటు ?

2009-09-07T15:49:00.001+05:30

ప్రపంచము మొత్తం అభివృద్ధి లో పురోగమనంలో ఉంటే మనం మాత్రం తిరోగమనం లో ఎందుకు ప్రయాణం చేయాల్సి వస్తుంది? కర్ణుడి చావుకి ఎన్ని కారణాలు ఉన్నాయో అంతకన్నా ఎక్కువే ఒక నిమిషం అలోచించిన మనకు గోచరిస్తాయి. అవినీతి,లంచగొండితనం,బంధుప్రీతి వీటిలో సముచిత స్తానాన్నే ఆక్రమించాయి. ఒక సామెత "మా తాతలు నేతులు తాగారు, మీరు మా మూతులు నాకండి" అన్న చందాన రాజశేఖర్ రెడ్డి మంచి నాయకుడే అవ్వవచ్చుగాక, ఆయన కొడుకుని ముఖ్యమంత్రి గా ఎలా ఆహ్వానిస్తాము ? CM పదవి ఏమైన ఇడుపులపాయ ఎస్టేట? ఆయన పోగానే ఆయన కొడుకు గారికి అప్పచెప్పడానికి ?

                            100 సంవత్సరాలా చరిత్ర ఉన్న పార్టీ లో కేవలం 100 రోజుల అనుభవమే ఉన్న జగన్ తప్ప వేరే నాయకుడే లేడా ? అసలు జగన్ కి ఉన్న అర్హత ఎమిటి? "నాయకులు పుడతారు,తయారు గారు" అని మనం నమ్మితే రాజరికాన్ని వదిలి ప్రజాస్వామ్యం లోకి రావడం ఎందుకు ? కందిపప్పు కేజి రూ 100/-, పచదార రూ 50/- అయినప్పుడు మాటలు రాని ఈ మంత్రులు అనబడు వారు ఇప్పుడు ఏ మొహం పెట్టుకొని జగన్ కొసం అదిష్టానం దగ్గరికి పరుగులు తీస్తున్నారు ?
                           ఇప్పటి కైన వారు ప్రజలకి ఉపయోగపడే పనులు చేస్తే తర్వతా అయ్యే CM కోసం మట్లాడటానికి మిగులుతారు . లేకపోతే శాస్వతముగా ప్రజల మనసుల నుండి ఆ తర్వాత పదవుల నుండి దూరం గాక తప్పదు .

జనం మెచ్చిన నాయకుడికి అశ్రునివాళి

2009-09-03T12:35:00.002+05:30

ఎందరో నాయకులు వస్తారు , పొతారు. కాని కొంత మంది మాత్రమే జనం హ్రుదయం లో చెరగని ముద్ర వేసి దశాబ్డాలు , శతబ్దాలు , చరిత్రలో నిలిచి పోతారు . ఒక ఐందిరమ్మ , ఒక రాజీవ్ , ఒక యన్ టి ఆర్ , ఒక పీవీ , ఇలా ఎందరో. వీళ్ళు జనం దగ్గర ఓట్లు మాత్రమే కాదు వాళ్ళ మనసుల్ని గెలిచారు . అందుకనే వాళ్ళు మరణించి దశబ్దాలు గడుస్తున్నా వారిని నిత్యం గుర్తు తెచ్చుకుంటున్నాం . సరిగ్గా ఇలాంటి కోవలోకే వై యస్ ఆర్ వస్తారు . ఆంధ్ర రాష్ట్ర ప్రియతమ ముఖ్య మంత్రి గా ఎన్నో పధకాలు శ్రీకారం చుట్టి అందరి మనసులు దోచారు . "ఆరోగ్య శ్రీ" పధకం దేశస్థాయి లో అందరి మన్ననలు పొందినది . "రైతే రాజు" అని నమ్మిన శ్రీ స్వర్గీయ వై యస్ ఆర్ మృతి మన రాష్ట్రనికే కాదు దేశ రాజకీయానికి తీరనిలోటు .

ఇంతటి ప్రజా రంజకము గా పాలించే నాయకుడు పాపం స్వర్గం లో లేడెమో అందుకే మన ప్రియతమ నాయకుడ్ని ఆ దేవుడు త్వరగా తీసుకువెళ్ళాడు.

ఆ రాజసేఖరుడి ఆత్మ శాంతిచాలని కోరుకుంటు మన ఘనమైన నాయకుడి కి ఘన నివాళి.

రాజశేఖరా ... నువ్వు ఎక్కడ ?

2009-09-02T20:54:00.000+05:30

CM మిస్ అయి అప్పుడే 10 గంటలు దాటి పోయింది. అయిన మనం ఎందుకు గుర్తించలేక పోతున్నాం .? వర్షం , చీకటి , అడవి అని సాకులు వెతుకుతున్నాం . చంద్ర మండలంలో నీళ్ళు ఉన్నాయా ? లేవ అని వెతికే మనం మన నల్లమల అడవిలో Helicopter ని గుర్తించలేమ ? 10 గంటలలో మనం సాదించిన ప్రగతి ఏమిటి ?

అసలు "మగధీర" ఎవరు ?

2009-09-02T16:01:00.003+05:30

The latest Telugu blockbuster by Director Rajamouli, ‘Magadheera’ 63 minutes of enthralling VFX work done by Prasad EFX from its Hyderabad and Chennai facilities.

Produced by Allu Aravind’s Geeta Arts, ‘Magadheera’ has over 890 VFX shots that took nearly one year and 10000 man days to complete. The scope of work included animation, 3D tracking, digital matt backgrounds, complicated rope removals and compositing. The arena sequence is a must see, involving some of the most complicated amalgamation of stunts and graphics.

అసలు "మగధీర" ఎవరు ? డైరక్టర్ ? హీరో ? నిర్మాత ? మరి Graffixa ?

హైదరబాదు మహా నగరమా..? మహా నరకమా .. ?

2009-09-02T14:28:00.001+05:30

చినుకు పడితె మన నగరం .. నరకంగా మారుతుంది. సరైన డ్రైనేజ్ వ్యవస్థ లేని కారణంగా ఎక్కడి కి అక్కడ నీరు నిలిచిపోయి రోడ్లన్ని మురుగు నీటితో నిండి పోతున్నాయి. ప్రజలు ప్రత్యక్ష నరకం అనుభవిస్తున్నారు. అమీరుపేట్ , యస్ ఆర్ నగర్ అయితే మరి దారుణం . మన మహా నగరం వాన వస్తే మహా నరకం గా మారుతుంది. GHMC వాళ్ళు ఎప్పుడు మేలుకుంటారో మరి.

విజయ్ గాడి బ్లాగు గాధ

2009-09-02T09:00:00.002+05:30

అస్సలు నేను ఒక బ్లాగు రాద్దాం అనుకున్నప్పటి నుంచి ఏమి రాయాలా అని తీవ్రంగా అలోచించి మన బ్లాగు అందరిది కావాలి అన్న సంకల్పం తోను మళ్ళి నేను అస్సల్లు బ్లాగు ఎందుకు రాద్దం అనుకున్నానో (**ఎందుకు అంటే ఏ విషయం చదివిన, చూసిన,విన్న నా అబిప్రాయం చెప్పాలి అనిపించేది కాని అది వీలు పడదు కద ఎందుకు అంటే మన Source అంత TV మరియు RADIO కద) అది గుర్తు వచ్ఛి ఇది నా బ్లాగు, నా అబిప్రాయాలు అందరితో పంచుకోవాలి అని మొదలు పెట్టాను. అందుకే హడావుడి గా మొదలు పెట్టిన న బ్లాగు ఎందుకు ? ఏమిటి ? ఎలా ? మీకు చెబుదాం అని ఈ టపా.

PRP జెండా మళ్ళి ఎగురుతుందా ?

2009-09-01T17:44:00.001+05:30

PRP జెండా మళ్ళి ఎగురుతుందా ? . మీ కామెంట్ ఏమిటి ?

"Operation Akarsh" వలలో రోజా

2009-09-01T17:40:00.001+05:30

పాపం 'TDP' "Operation Swadesh " లో దేవేంధర్ గౌడ్ వచ్ఛిన సంతోషం ఎక్కువ కాలం లేకుండానే "Operation Akarsh " కి మరో Wicket కొల్పోయింది. ఇప్పుడు బాబు మొదటి పని మిగిలిన వాళ్ళని జాగ్రత్తగా చుసుకోవడమే . జనం మరిచి పోయిన "PRP" ని గురించి తర్వాత అలోచించవచ్చు

Congratulations to Kamal Hasan ..

2009-08-31T21:50:00.001+05:30

Best Selling Car of the Range ..

2009-08-30T16:55:00.002+05:30